Գոռ Բունիաթյանը հաղթեց թուրք մրցակցին եւ կպայքարի ոսկե մեդալի համար

Ստամբուլում անցկացվող ազատ ոճի ըմբշամարտի աշխարհի պատանեկան առաջնությունում եզրափակիչ է դուրս եկել Գոռ Բունիաթյանը։ 45 կգ քաշային կարգի կիսաեզրափակիչում Հայաստանի ներկայացուցիչը 4:3 հաշվով պարտության է մատնել թուրք Գուր Էբուբեքիրին։

Եզրափակիչում Գոռ Բունիաթյանի մրցակիցը կլինի իրանցի Ահորա Ֆարհադ Խատերին։

Բրոնզ մեդալներ են նվաճել 55 կգ քաշային Սամվել Գեւորգյանն ու 110 կգ քաշային Հենրիկ Հայկյանը, որը 11:0 հաշվով հաղթել է վրացի Ալեքսանդրե Աբրամաշվիլիին։