Լոռու Լուսաղբյուր գյուղում 144 տեղանոց մոդուլային մանկապարտեզ կկառուցվի. գործադիրը հարեւան դպրոցից տարածք հատկացրեց
Կառավարությունն իր այսօրվա՝ մայիսի 5-ի նիստում Լոռու մարզի Սպիտակ համայնքին հողամաս նվիրաբերելու մասին որոշում կայացրեց:
Որշման հիմնավորման մեջ նշվում է, որ այն բխում է ՀՀ Լոռու մարզի Սպիտակ համայնքի Լուսաղբյուր գյուղի բնակչության շահերից: Նախատեսված է պետական բյուջեի միջոցների հաշվին Լուսաղբյուր գյուղում կառուցել 144 տեղանոց մոդուլային մանկապարտեզ, որի համար հատկացված է համայնքային սեփականություն հանդիսացող հողամաս:
Հատկացված հողամասի չափը բավարար չէ մանկապարտեզի կառուցման, հետագայում դրա պահպանման և սպասարկման համար: Անհրաժեշտություն է առաջացել պահանջվող հողամասի պակասը լրացնել կառուցվող մանկապարտեզին կից գործող «ՀՀ Լոռու մարզի Լուսաղբյուրի միջնակարգ դպրոց» ՊՈԱԿ-ի տարածքից, ինչով և պայմանավորված է նախագծի ներկայացումը:
Դպրոցի համար անհրաժեշտ տարածքը սահմանազատված է ցանկապատով և նվիրաբերվող տարածքը չի օգտագործվում դպրոցի կողմից:
