Խորհրդանշական ծառատունկ՝ կենդանության, շարունակվող կյանքի և ոգու ամրության…
Ապրիլյան պատերազմից մեկ տարի անց «Հերացի» թիվ 1 հիվանդանոցային համալիրի պուրակում այսօր պատերազմի ընթացքում վիրավորում ստացած զինվորները մշակույթի գործիչների հետ կազմակերպել էին ծառատունկ՝ ի հիշատակ իրենց զոհված մարտական ընկերների։
Մեր վիրավոր տղաների, արվեստագետների և ապագա բժիշկների մասնակացությամբ այս խորհրդանշական ծառատունկը կենդանության, շարունակվող կյանքի և ոգու ամրության խորհրդանիշ է:
«Կյանքը դեռ առջևում է» դիտարկմանը մեր վիրավոր զինվորը պատասխանում է. «Դեմ չեմ, մնում է լիովին ապաքինվեմ»։
Հպարտ էին, որ նման ընկերներ են ունեցել, բայց ավելի շատ հպարտ, որ, ի հիշատակ իրենց հերոս ընկերների, այսօր ծառատունկ են անում Մաեստրո Տիգրան Մանսուրյանի, երգահան Արա Գևորգյանի, Կոնստանտին Օրբելյան կրտսերի,Կարեն Ղազարյանի, Տիգրան Լիլոյանի, «Կյանք ու կռիվ» ֆիմի գլխավոր դերակատար Սամվել Թադևոսյանի և իրենց ապագա բժիշկների հետ։
