Կենսաբանը թվարկել է հիպերվիտամինոզի ախտանիշները
Հիպերվիտամինոզը, այսինքն՝ օրգանիզմում վիտամինների ավելցուկը, կարող է թունավորման պատճառ դառնալ, զգուշացրել է գենետիկ կենսաբան Իրինա Մալցևան։ Sputnik ռադիոյին տված հարցազրույցում նա թվարկել է այս վիճակի նշանները։
Ճարպեր լուծելի A և E վիտամինները հայտնաբերված են բազմաթիվ սննդամթերքներում, դեղամիջոցներում և կենսաբանորեն ակտիվ սննդային հավելումներում, ասում է գենետիկ կենսաբան, կլինիկական հոգեբան, սննդաբան, Կրթական բժշկության համալսարանի փորձագետ Իրինա Մալցևան: Քանի որ մարդն այս օրգանական միացությունները ստանում է տարբեր աղբյուրներից, դրանց պարունակող դեղամիջոցները չարաշահել չի կարելի։ Այսպիսով, վիտամին A-ն կարող է բացասական ազդեցություն ունենալ երեխայի նախածննդյան զարգացման վրա, օրինակ է բերել կենսաբանը:
«Վիտամին E-ն առկա է արևածաղկի ձեթի մեջ, այն հաճախ կարելի է գտնել տարբեր պատրաստուկների մեջ, օրինակ՝ սննդային հավելումների: Այստեղ կարող է լինել չափից մեծ դոզա: Պետք է նաև զգույշ լինել վիտամին A ընդունելիս: Եթե այն առաջին անգամ բարձր չափաբաժիններով եք ընդունում հղիության եռամսյակում, դա կարող է հանգեցնել որոշակի դեֆորմացիաներով երեխայի ծնվելու: Վիտամին A-ն ունի տերատոգեն թունավորություն»,- ըստ shantnews-ի՝ ասել է Մալցևան։
Հիպերվիտամինոզի ախտանիշները նման են բազմաթիվ այլ հիվանդությունների ախտանիշներին, ինչը դժվարացնում է վիճակը ախտորոշելը, շարունակել է նա:
