Ջեռոցում պատրաստվող խնձոր ընկույզով և չրով

Բաղադրիչներ

Խնձորի – 4 հատ

Ծիրանի չիր – 2 հատ

Սալորաչիր – 2 հատ

Չամիչ – 2 ճ/գ

Նուշ – 1 ճ/գ

Ընկույզ – 1 ճ/գ

Դարչին

Մեղր

Շաքարի փոշի

Պատրաստման եղանակը

Չորացրած ծիրանը, չամիչը և սալորաչիրը 15 րոպե թողնել տաք ջրի մեջ, այնուհետև քամել և մանր կտրատել։

Ընկույզն ու նուշը նույնպես մանր կտրատել, ավելացնել դարչինը և բոլորը խառնել իրար։

Խնձորի վերին հատվածը բարակ կտրել, սերմերը հեռացնել և միջուկի մեջ կլոր անցք անել։

Խնձորի կեղևը մի քանի տեղից ծակել ատամի փայտիկով, որպեսզի չվնասվի թխվելու ժամանակ։

Խնձորները լցնել միջուկով, առանձին-առանձին փաթաթել փայլաթիթեղի մեջ այնպես, որ միջուկի վերին հատվածը մնա ազատ։ Դնել նախապես 180 աստիճան տաքացրած ջեռոցը և եփել 25 րոպե։

Մատուցելուց առաջ թողենել, որ խնձորները մի փոքր սառչեն, զգուշորեն հեռացնել փայլաթիթեղը և վրան մեղր լցնել։ Վերջում՝ ըստ նախասիրության, կարող եք վրան նաև շաքարի փոշի ցանել։