Ռուսաստանը Հայաստանին է տրամադրել կապիկի ծաղիկի ախտորոշման թեստեր
Ռուսաստանը կապիկի ծաղիկի ախտորոշման թեստեր է փոխանցել ԱՊՀ մի քանի երկրների: «Արմենպրես»-ի հաղորդմամբ՝ այս մասին տեղեկացնում է «Роспотребнадзор»-ը:
«Ռուսական թեստերը «Роспотребнадзор»-ի կողմից փոխանցվել են Հայաստանին, Ղազախստանին, Ուզբեկստանին և Թուրքմենստանին:
Ավելի վաղ գերատեսչությունը հայտնել էր, որ «Վեկտոր» կենտրոնը օպերատիվ կերպով արտադրել է թեստեր այս հիվանդության դեպքերը հայտնաբերելու համար:
«Այսօր թեստավորումը հասանելի է ամբողջ Ռուսաստանում։ Դրանից բացի, «Роспотребнадзор»-ի մասնագետները գործընկեր երկրների մասնագետների համար կազմակերպում են հատուկ սեմինարներ լաբորատոր ախտորոշման մեթոդների վերաբերյալ».-ասված է հաղորդագրության մեջ:
