Տղամարդու անպտղություն
Ե՞րբ պետք է անհանգստանալ, և ինչի՞ց հասկանալ, որ տղամարդու մոտ առկա է անպտղություն
Անպտղության ահազանգ է, երբ մեկ տարվա ընթացքում կանոնավոր և առանց պաշտպանվելու սեռական հարաբերության արդյունքում կնոջ մոտ հղիություն չի զարգանում:
«Շենգավիթ» ԲԿ֊ի Ուրոլոգիական ծառայության ուրոլոգ Անդրանիկ Հովհաննիսյանի խոսքով՝ այս պարագայում չպետք է միայն «մեղքը» գցել կնոջ վրա՝ նրան անպտուղ համարելով, քանի որ տղամարդը հավասարապես կարող է անպտղության խնդիրներ ունենալ, որը պահանջում է գրագետ լուծում
Կարևոր՝
Եթե ամուսնական զույգի մոտ լիարժեք հետազոտություններից հետո չի հայտնաբերվել անպտղության ոչ մի պատճառ, ապա գործ ունենք անհայտ ծագման անպտղության հետ (իդիոպաթիկ անպտղություն)։
Տղամարդկանց անպտղության պատճառներն են՝
Հորմոնալ խանգարումները
Գենետիկ ազդեցությունները
Զարգացման արատները (գաղտնամորձիություն և այլն)
Վարիկոցելը (երակային պաթոլոգիաներ)
Միզասեռական ինֆեկցիաները
Պրոստատիտ օրխիտ
Սրանք բերում են սերմի որակական և քանակական խանգարումների, և այլ խնդիրների, որոնք էլ հանգեցնում են անպտղության:
Գլխավոր՝
«Շենգավիթ» ԲԿ֊ում գործող նորագույն ժամանակներին համապատասխան բուժման մեթոդները թույլ են տալիս ախտորոշել և շատ արագ հասնել վերոհիշյալ խնդիրների լիովին բուժման և վերացնել անպտղությունը՝ հասնելով ծնող դառնալու երազանքին
Հետևել կենսակերպին
Օրվա ռացիոնի մեջ ավելացնել թթվաշ մրգեր և բանջարեղեններ, սպիտակուցներ, բացառել՝ ածխաջրերը, խուսափել գարեջրի չարաշահումից: Չկրել կիպ ներքնազգեստ, խոսափել տաք լոգանքներից։ Վարել ոչ սթրեսային կյանք և հաճախ զբոսնել:
Ուրոլոգ Անդրանիկ Գրիգորի Հովհաննիսյան / Urolog Andranik Hovhannisyan