Ապրիլյան պատերազմում վիրավորված տանկիստը գլխի պլաստիկ վիրահատության է ենթարկվել
Տանկիստ-մեխանիկ Դանիել Դավթյանը, որը ծանր վիրավորում է ստացել ապրիլյան պատերազմի ժամանակ, բարդ վիրահատության է ենթարկվել: «Հերացի» համալսարանական հիվանդանոցի մասնագետները գլխի պլաստիկ վիրահատություն են արել: Հիվանդանոցից NEWS.am Medicine-ին հայտնեցին, որ վիրահատությունը հաջող է անցել:
Նշենք, որ Դանիելը վիրավորվել է ապրիլի 2-ին ադրբեջանական ագրեսիայի ժամանակ. արկի պայթյունի հետեւանքով բազմաթիվ մանր բեկորներ են հայտնվել նրա պարանոցում, կրծքում, ուսերում եւ ձեռքերում, բեկորներից մեկը, գանգը ծակելով, հայտնվել է ուղեղում: Զինծառայողը կոմայից դուրս է եկել մկրտվելուց կարճ ժամանակ անց: