Հաշվե՞լ կալորիաները, թե՞ ոչ
Օրական քանի՞ կալորիա կարելի է ուտել: Ցավոք սրտի, ճիշտ պատասխանը չի հնչում հետևյալ կերպ. «Կերեք այնքան, որքան ցանկանում եք»:
Այնուամենայնիվ, կալորիաները ճիշտ հաշվարկելու համար անհրաժեշտ է լուրջ մաթեմատիկական գործողություններ կատարել:
Սննդաբանները պնդում են, որ կալորիաների քանակը որոշելու համար մի շարք գործոններ է պետք հաշվի առնել:
Կալորիան սննդի մեջ առկա էներգիայի չափման միավորն է: Քաշը նորմայում պահպանելու համար անհրաժեշտ է որպեսզի սննդից ստացված կալորիաների քանակը հավասար լինի ծախսված էներգիայի քանակին:
Ընդունեք ավելի քիչ քանակությամբ կալորիաներ, քան Դուք ծախսում եք և կնիհարեք: Սակայն եթե Դուք ստանում եք պահանջվածից ավելի շատ կալորիաներ, օրգանիզմն այն պահուստավորում է` գիրացնելով Ձեզ:
Մարդկանց մոտ կալորիաների պահանջները տարբեր են, ինչը կարող է դժվարացնել կախարդական թվի հայտնաբերումը: Բանն այն է, որ տղամարդիկ ավելի շատ կալորիաների կարիք ունեն, քան`կանայք: Ակտիվ մարդկանց ավելի շատ կալորիա է պետք, քան նրանց, ովքեր ունեն պասիվ ու նստակյաց աշխատանք: Երիտասարդներին ավելի շատ կալորիա է պետք, քան տարեցներին, որոնց նյութափոխանակությունը դանդաղում է ծերացման հետ մեկտեղ:
Ստորև ներկայացնում ենք կանանց և տղամարդկանց անհրաժեշտ ամենօրյա կալորիաների քանակը.
Կալորիաների պահանջը կանանց շրջանում | |||
Տարիք | Կալորիաներ
(Նստակյաց կենսակերպ) |
Կալորիաներ
(Չափավոր ակտիվ կենսակերպ) |
Կալորիաներ
(Ակտիվ կենսակերպ) |
21-25 | 2000 | 2200 | 2400 |
26-30 | 1800 | 2000 | 2400 |
31-50 | 1800 | 2000 | 2200 |
51-60 | 1600 | 1800 | 2200 |
61 և ավելի | 1600 | 1800 | 2000 |
Կալորիաների պահանջը տղամարդկանց շրջանում | |||
Տարիք | Կալորիաներ
(Նստակյաց կենսակերպ) |
Կալորիաներ
(Չափավոր ակտիվ կենսակերպ) |
Կալորիաներ
(Ակտիվ կենսակերպ) |
21-25 | 2400 | 2800 | 3000 |
26-35 | 2400 | 2600 | 3000 |
36-40 | 2400 | 2600 | 2800 |
41-55 | 2200 | 2400 | 2800 |
56-65 | 2000 | 2400 | 2600 |
65 և ավելի | 2000 | 2200 | 2400 |
Քաշի նվազեցման նպատակով կալորիաները պակասացնելիս անհրաժեշտ է զգուշություն ցուցաբերել։ Եթե օրական ուտեք 1200 կալորիայից քիչ, կարող եք չստանալ այն բոլոր սննդարար նյութերը, որոնք անհրաժեշտ են առողջությունը պահպանելու համար։ Դեռ ավելին, նման սննդակարգի դեպքում հնարավոր է կալորիաների այրումը դանդաղի։
Ելքը մեկն է՝ վարել ակտիվ կենսակերպ և հետևել կալորիաների քանակին։ Իսկ եթե կալորիաներ հաշվելը Ձեզ չի ոգևորում, հոգ չէ՝ Դուք կարող եք նիհարել պարզապես սնվելով առողջ և հետևելով չափաբաժնին։
Գոհ եք, թե՝ ոչ, այնուամենայնիվ կալորիաները էական դեր են խաղում կազմվածքի պահպանման գործում։
Աղբյուրը՝ Cleveland Clinic