Քաղաքապետարան․ Մանկապարտեզների աշխատանքը մարտի 2-7-ը կընդհատվի
Հակահամաճարակային անվտանգության նկատառումներից ելնելով՝ Երևանի քաղաքապետարանի ենթակայության բոլոր հանրակրթական դպրոցներում գարնանային արձակուրդները տեղափոխվում են մարտի 2-7-ը։
Նույն ժամանակահատվածում, Երևանի քաղաքապետի որոշմամբ, կընդհատվի նաև քաղաքի ենթակայության տակ գործող մանկապարտեզների աշխատանքը։
Հիշեցնենք, որ որոշում է ընդունվել նաև մեկ շաբաթով փակել բոլոր քոլեջներն ու բուհերը։
