Ինչպե՞ս լինել նորաոճ , բայց չմրսել ցրտաշունչ ձմռանը: Պատասխանում է Մարիաննա Քաբաբյանը
Aroxjblog.am-ի հյուրն է Մարիաննա Քաբաբյանը
-Կան աղջիկներ, ովքեր շատ մրսկան են և ստիպված են լինում հագնել հաստ գործվածքով հագուստներ: Այս ձմռանը նորաո՞ճ են հաստ գործվածքով հագուստները:
-Այո՛, վերջին աշուն-ձմեռ սեզոններին առավել քան երբևէ նորաձև են հարմարավետություն հաղորդող հագուստները: Կյանքի ակտիվ ռիթմից ելնելով՝ կանանց առաջարկվում է կրել հարմարավետ սպորտային կոշիկներ, տաք գործված շապիկներ, արհեստական մորթուց վերարկուներ, որոնք այդքան հարմար է կրել ձմռանը՝ ունենալով բազմաթիվ բացօթյա հանդիպումներ…
–Իսկ ի՞նչ կասեք արական սեռի ներկայացուցիչների մասին:
-Արական սեռի ներկայացուցիչները միշտ էլ եղանակին անհամապատասխան են հագնվում, եթե նկատել եք… Խոսքս գնում է դրես-կոդերին հետևող ոճային տղաների և տղամարդկանց, ովքեր, որպես ուժեղ սեռ, ստիպված են հարմարվել էթիկետի կանոններին և, այսպես ասած, դիմանալ, եթե նույնիսկ երկարաթև վերնաշապիկով շոգ է ամռան տապին, կամ ցուրտ է կաշեմիրե վերարկուով ձմռանը… Թո՛ղ դիմանան, գեղեցկությունը զոհեր է պահանջում, և ոչ միայն կանանցից: