Ալերգիկ ռինիտի հիմնական ախտանշանները
Ալերգիկ ռինիտի հիմնական ախտանշաններ են`
քթահոսություն
քթի փակվածություն
փռշտոց
քոր քթի մեջ
երբեմն՝ կոկորդում քերոցի զգացում
արցունքահոսություն
աչքերի քոր, կարմրություն:
Ալերգիկ ռինիտի առաջացման պատճառները միջավայրում գտնվող շնչառական ալերգեններն են՝ ծառերի, խոտաբույսերի, մոլախոտերի ծաղկափոշին, բորբոսասնկերը և այլն:
Առանձնացվում են ալերգիկ ռինիտի երկու տեսակ՝ սեզոնային և շուրջտարյա ալերգիկ ռինիտներ։
Հիվանդության կանխարգելման ապացուցված եղանակներ չկան: Չնայած տհաճ ախտանշաններին` ալերգիկ ռինիտն ունի արդյունավետ բուժում։ Հիվանդության բուժմամբ զբաղվում է ալերգոլոգը։ Վերը նշված ախտանշաններն ունենալու դեպքում` խորհուրդ է տրվում դիմել տեղամասային բժշկի կամ նեղ մասնագետի: