Ամերիկացի գիտնականները պատմել են խաղող ուտելու հրաշագործ հետեւանքների մասին
Այս փոքրիկ հատապտուղը՝ խաղողը, հրաշքներ կգործի ձեր առողջության համար։
Բժիշկ Շերլին Ռիդի խոսքով՝ խաղողը չափավոր օգտագործման դեպքում նույնքան առողջարար է, որքան ցանկացած այլ միրգ: Միակ բանը, ինչին պետք է ուշադրություն դարձնել, դա շաքարի մակարդակն է, որը այն բարձրացնում է եւ՝ շատ արագ, մեծ քանակություններով օգտագործման դեպքում։ Հաշվի առեք, որ մեկ չափաբաժինը չպետք է գերազանցի կես բաժակը (դա մոտավորապես 16 խաղողի հատիկ է): Բայց նույնիսկ այս բաժինը պետք է մաս-մաս վերցնել, նշում է Eat This, Not That:
«Խաղողը բարելավում է հիշողությունը եւ կենտրոնացումը,- ասում է հետազոտող Դենիել Մաքավոյը,- խաղողի մեջ պարունակվող հակաօքսիդանտները նվազագույնի են հասցնում ուղեղի օքսիդատիվ սթրեսը: Դա պաշտպանում է ուղեղը կոգնիտիվ անկումից եւ տարիքի հետ կապված հիշողության կորստից»:
Zenmaster Wellness-ի հետազոտող Մելիսա Միտրին նշում է, որ խաղողը նաեւ մեծացնում է արյան հոսքը դեպի ուղեղ՝ դրանով իսկ բարձրացնելով կենտրոնացումը:
Հետազոտությունները ցույց են տվել, որ հակաօքսիդանտ ռեսվերատրոլը, որը հիմնականում պարունակվում է խաղողի կեղեւում, նվազեցնում է Ալցհեյմերի հիվանդության վտանգը՝ նվազեցնելով ուղեղի բորբոքումը եւ օրգանիզմն ազատելով բետա-ամիլոդինային պեպտիդից, որը կապված է հիվանդության զարգացման հետ դրա կուտակման դեպքում:
Քրոնիկ բորբոքումը կապված է քաղցկեղի, սրտի հիվանդության, ասթմայի, 2-րդ տիպի շաքարախտի, ռեւմատոիդ արթրիտի եւ այլնի հետ: Բայց խաղողը հսկայական քանակությամբ հակաօքսիդանտներ է պարունակում՝ վիտամին C, վիտամին K, պոլիֆենոլներ, կատեխիններ եւ անտոցիանիններ։ Դրանք օգնում են նվազեցնել բորբոքումը, ասում է հետազոտող եւ դիետայի հարցերով անձնական մարզիչ Ջեսսի Ֆեդերը:
Եթե արյան բարձր ճնշումը չվերահսկվի, ձեզ մոտ կսրվի սրտի կաթվածի եւ ինսուլտի հավանականությունը: Բայց լավ նորությունն այն է, որ արյան բարձր ճնշումը կանխելու եւ այն իջեցնելու բազմաթիվ միջոցներ կան: Այդպես, գիտնականները խորհուրդ են տալիս քիչ խաղող ուտել, քանի որ այն կայունացնում է արյան ճնշումը կալիումի բարձր պարունակության եւ նատրիումի ցածր պարունակության շնորհիվ:
Խաղողը շատ օգտակար է որպես երեկոյան խորտիկ, քանի որ օգնում է մարդուն ավելի հեշտ ու խորը քնել, բացատրում է Մաքավոյը։ Ինչո՞ւ։ Այս հատապտուղը փոքր քանակությամբ մելատոն հորմոն է պարունակում, որը կարգավորում է քուն-արթնացման ցիկլերն օրգանիզմում:
Խորհուրդ է տրվում խաղող ուտել քնելուց մեկ-երկու ժամ առաջ։ Եւ հիշեք՝ պետք չէ շատ ուտել՝ օրգանիզմը շաքարով չծանրաբեռնելու համար։
Բացի այդ, խաղողը հարուստ է վիտամին C-ով, բետա-կարոտինով, կվերցետինով եւ այլ հակաօքսիդանտներով, որոնք ամրացնում են իմունային համակարգը:
