Առաջին անգամ Հայաստանում՝ Նորք-Մարաշ Բժշկական Կենտրոնում իրականացվել է սրտի կորոնար զարկերակների ներանոթային ուլտրաձայնային հետազոտություն (IVUS)

Առաջին անգամ Հայաստանում՝ Նորք-Մարաշ Բժշկական Կենտրոնում իրականացվել է սրտի կորոնար զարկերակների ներանոթային ուլտրաձայնային հետազոտություն (IVUS): Այսուհետ Նորք-Մարաշ ԲԿ-ում կիրականացվեն IVUS, FFR և iFR հետազոտությունները, որոնք առավելապես կբարելավեն սրտի իշեմիկ հիվանդության ախտորոշումն ու բուժումը։
FFR և iFR հետազոտությունները հնարավորություն են ընձեռնում ճշգրիտ կերպով գնահատել կորոնար զարկերակների նեղացման նշանակալիությունը և որոշել հետագա միջամտության (ստենտավորում կամ վիրահատություն) անհրաժեշտությունը:
IVUS հետազոտության կիրառմամբ հնարավոր է տեսնել սիրտը սնուցող անոթը ներսից, գնահատել հիվանդության տեսակը, ինչպես նաև տեղադրված ստենտի հարաբերությունն անոթի պատի հետ, ինչը նշանակալիորեն բարելավում է ստենտավորման երկարատև արդյունքը։

Նյութի աղբյուրը՝ Nork Marash Medical Center (NMMC)