Առողջական ինչ խնդիրներ կարող են առաջացնել արևածաղկի սերմերը

Արևածաղկի սերմերը շատ համեղ ու օգտակար մթերք են, սակայն բժիշկները պարզել են, որ անգամ այս օգտակար մթերքը կարող է վնասակար լինել օրգանիզմի համար սխալ կիրառման դեպքում, գրում է actualnews.org կայքը:

Մասնագետների խոսքով՝ խնդիրը սերմերը կեղևազրկելու գործընթացի մեջ է: Շատերը նախընտրում են կեղևազրկել արևածաղկի սերմերն ատամներով, մինչդեռ բժիշկները հորդորում են անել դա միայն ձեռքով: Բանն այն է, որ հաճախ սերմերը բավականաչափ մաքուր չեն լինում և ատամներով կեղևազրկելու դեպքում դրանց վրայի փոշին, կեղտն ու բակտերիաները կարող են հայտնվել բերանի խոռոչում ու բազմանալ: Ի վերջո սա կարող է հանգեցնել բորբոքման կամ կարիեսի առաջացման:

Բացի այդ, արևածաղկի սերմերի կեղևը նաև վնասում է ատամների էմալը, ինչը նույնպես կարող է լուրջ խնդիրներ առաջացնել՝ հանգեցնելով ատամների տարբեր հիվանդությունների զարգացման:

Այս սերմերը խորհուրդ չի տրվում ուտել նաև կոկորդի ցավի դեպքում: Բանն այն է, որ դրանց կոշտ մասնիկները կարող են գրգռել բորբոքված լորձաթաղանթը՝ խոչընդոտելով ապաքինման գործընթացին: Բացի այդ, արևածաղկի սերմերն ունեն բավական բարձր կալորիականություն, ուստի վնասակար են նաև կազմվածքի համար:

Նյութը՝  med.tert.am