«Աստղիկ» ԲԿ–ն համալրվել է նոր` 3D սրտի քարտեզավորման CARTO 3 համակարգով
Արդի առիթմոլոգիայի ախտորոշիչ եւ բուժիչ միջոցները թույլ են տալիս բարձր արդյունավետությամբ ձերբազատվել կյանքին եւ առողջությանը վտանգ սպառնացող մի շարք հիվանդություններից: «Աստղիկ» բժշկական կենտրոնի առիթմոլոգիական սրտաբանական բաժինը, առկա գերժամանակակից սարքավորումներին զուգահեռ, համալրում է իր զինանոցը բոլորովին նոր` 3D սրտի քարտեզավորման CARTO 3 համակարգով, որի նպատակն է առիթմիկ օջախների գերճշգրիտ հայտնաբերումը եւ հետագա արդյունավետ այրումը:
Քարտեզավորման համակարգի ներդրումն առիթմոլոգիայում թույլ է տալիս իրականացնել բարդ առիթմիաների բուժում՝ աբլացիա: Այն հանդիսանում է նախասրտերի շողացումով տառապող անձանց բուժման համար անփոխարինելի գործիք՝ զգալի բարձրացնելով միջամտության արդյունավետությունը եւ զգալի նվազեցնելով կրկնողությունների հավանականությունը:
Վիրահատություններն իրականացնելու են կլինիկայի առիթմոլոգները եւ ՌԴ առաջատար առիթմոլոգ Կարապետ Դավթյանը 2017թ. սեպտեմբերից:
Մանրամասների եւ հերթագրվելու համար զանգահարել՝ (+37460) 65-12-65, (+37455) 55-62-12 հեռախոսահամարներին:
