Երևանից դեպի Բերդ. ՈՒԱԿ-ը շարունակում է ԱՆՎՃԱՐ ակցիաների շարքը
Երևանից դեպի Բերդ. ՈՒԱԿ-ը շարունակում է ԱՆՎՃԱՐ ակցիաների շարքը
Ուռուցքաբանության ազգային կենտրոնը, ուշադրության կենտրոնում պահելով բնակիչների առողջությունը, պարբերաբար կազմակերպում է ԱՆՎՃԱՐ հետազոտություններ ինչպես կենտրոնում, այնպես էլ դրանից դուրս:
Հետամուտ լինելով երկրի քաղաքացիների կանոնավոր հետազոտվելուն, և, հաշվի առնելով որոշ բնակիչների մայրաքաղաք գալու բարդությունները՝ ՈՒԱԿ-ը կազմակերպում է ԱՆՎՃԱՐ հետազոտություններ մարզերում:
Ուռուցքաբանության ազգային կենտրոնի բժշկական թիմն այս անգամ գնում է Երևանից 202 կմ հեռու՝ ԲԵՐԴ քաղաք:
Բերդում և դրանից դուրս ապրող սիրելի՛ հայրենակիցներ,
մայիսի 27-ին հրավիրում ենք անցնելու ԱՆՎՃԱՐ սոնոգրաֆիկ, դուպլեքս հետազոտություններ և ստանալու նեղ-մասնագիտական խորհրդատվություններ:
Կրծքագեղձի, վահանաձև գեղձի, որովայնի օրգանների և փոքր կոնքի սոնոգրաֆիա, ինչպես նաև դուպլեքս հետազոտություն կանցկացնեն մեր կենտրոնի լավագույն մասնագետներ Նարինե Կրյուչկյանը, Կարինե Խոնդկարյանը, Անահիտ Դարբինյանը:
Վերոնշյալ հետազոտությունները կանցկացվեն կենտրոնի կողմից բերված ժամանակակից ուլտրաձայնային սարքավորումներով:
Մասնագիտական ԱՆՎՃԱՐ խորհրդատվություն կտրամադրեն կենտրոնի լավագույն մասնագետները՝ հետևյալ ծառայություններով՝
գինեկոլոգիա՝ Կանանց առողջության կլինիկայի ղեկավար Կարո Բազիկյան,
մամոլոգիա՝ Մետաքսյա Մկրտչյան,
թոքաբանություն՝ Ախտորոշման ծառայության ղեկավարի տեղակալ Նունե Ազիզյան,
էնդոկրինոլոգիա՝ Դեղորայքային ուռուցքաբանության բաժանմունքի ղեկավար Նաիրա Ջանոյան,
նեյրովիրաբուժություն՝ Աննա Կիզոկյան,
ուրոլոգիա՝ Վարդան Առաքելյան,
գաստրոէնտորոլոգիա՝ Հերմինե Մաղաքյան:
Ակցիան կանցկացվի մայիսի 27-ին, ԲԵՐԴԻ ԲԺՇԿԱԿԱՆ ԿԵՆՏՐՈՆՈՒՄ (հասցե՝ Ալեք Մանուկյան փող., 25 շենք):
ՈՒՇԱԴՐՈՒԹՅՈՒՆ. տեղերը սահմանափակ են:
Գրանցվելու համար մինչև մայիսի 25-ը զանգահարեք 077516951 հեռախոսահամարով, երկուշաբթիից ուրբաթ՝ 10:00-17:00։
Որպես նպատակ՝ ՁԵՐ ԱՌՈՂՋՈՒԹՅՈՒՆԸ
Որպես միջոց՝ ՄԵՐ ԱՇԽԱՏԱՆՔԸ
ՍԻՐՈՎ՝ ՈՒԱԿ