Էնդոմետրիալ պոլիպներ
Հավանաբար գիտեք, որ էնդոմետրիումը արգանդի մարմնի ներքին լորձաթաղանթն է:
Էնդոմետրումի պոլիպի առաջացումը հիպերպլաստիկ պրոցես է, այսինքն՝ ոչ բնորոշ գոյացություն է, որն առաջանում է էնդոմետրիալ շերտից։
Դրանք կարող են լինել մեկ կամ բազմակի, տարբեր տրամագծով և հայտնվել ցանկացած տեղ արգանդի խոռոչում կամ ցերվիկալ խողովակում:
Այն զարգանում է հիմնականում այն դեպքում, երբ էստրոգենի ավելցուկ կա, քանի որ հենց դա է խթանում էնդոմետրիումի բջիջների աճը:
Ռիսկի խմբում են գտնվում այն կանայք,ում մոտ առկա է`
• պերիմենոպաուզա (նախադաշտանադադար)
• հորմոնալ խանգարումներ,
• անօվուլյացիա վիճակներ
• որոշ սոմատիկ հիվանդությունների առկայություն (շաքարային դիաբետ, գիրություն):
Մի՛ մոռացեք նաև գենետիկ նախատրամադրվածության մասին:
Հիմնական ախտանշանը ֊ հեշտոցի անոմալ արյունահոսություն, ներառյալ՝
• միջդաշտանային արյունահոսություն (քսվող)
• առատ դաշտանային արյունահոսություն
• դաշտանային ցիկլի խանգարումներ
• արյունահոսություն դաշտանադադարից (մենոպաուզա) հետո
Ախտորոշման ոսկե ստանդարտը ՝ գինեկոլոգիական Ուլտրաձայնային հետազոտությունն է (ՈՒՁՀ), տարածված և ոչ ինվազիվ մեթոդ է:
Շատ կարևոր է, որ վերջնական ախտորոշումը կատարվի պոլիպի հեռացումից և հյուսվածքաբանական հետազոտությունից հետո:
Բուժումը կատարվում է միայն վիրաբուժական միջամտությամբ` իրականացվում է հիստերասկոպիա և պոլիպեկտոմիա:
Կան նրբություններ, որոնցում մենք կարող ենք ընտրել սպասել տարբերակը (եթե պոլիպն ունի 1 սմ-ից պակաս չափ, ախտանիշներ չկան):
ԲԱՅՑ ՊԱՐՏԱԴԻՐ ՀԵՌԱՑՆՈՒՄ ԵՆՔ ԵԹԵ ԱՌԿԱ Է՝
* ախտանիշներով դրսևորվող պոլիպ
* մի քանի պոլիպ
* կա անպտղություն
* տրամագիծը 1,5 սմ-ից ավելի է
* հայտնաբերվել է դաշտանադադարից հետո
Մի՛ զբաղվեք ինքնաբուժությամբ, այլ դիմեք վստահելի գինեկոլոգի։