ԻՆՉՊԵ՞Ս ԲՈՒԺԵԼ ՃՈՂՎԱԾՔՆԵՐԸ

Ճողվածքները այսօր վիրաբուժության մեջ ամենհաճախ հանդիպող պաթոլոգիաներից են: Ճողվածքների տեսակներից են․

Որովայնի առաջնային և կողմնային պատի ճողվածքներ

Սպիտակ գծի ճողվածքներ

Պորտային ճողվածքներ

Աճուկային ճողվածքներ

Ազդրային ճողվածքներ

Հետվիրահատական ճողվածքներ։

Ճողվածքների ժամանակ ներքին օրգանների՝ առավելապես ճարպոնի և բարակ աղեգալարների հատվածները դուրս են գալիս ենթամաշկային տարածությունում ձևավորվող ճողվածքապարկի մեջ:

Ճողվածքի առաջացման պատճառները բազմաթիվ են: Ճողվածքի պատճառ կարող են դառնալ ինչպես մեխանիկական դեֆեկտները, այնպես էլ համակարգային հիվանդությունները, որոնք բերում են մեր օրգանիզմի հյուսավածքների անլիարժեքության։

Ճողվածքների բուժման հիմնական ու միակ մեթոդը վիրահատությունն է, որը վերջնական լուծում է տալիս խնդրին։

Անհրաժեշտության դեպքում ճողվածքների վիրահատություն կատարվում է անգամ մանկական տարիքում։

Խորհուրդ է տրվում ճողվածքների վիրահատությունը կատարել ցանցային պրոթեզների կիրառման եղանակով։

Ցանցային պրոթեզները տարբեր նյութերից կազմված բժծկականցանցեր են, որոնք օրգանիզմում լրացնում են այն բացը, որը պատճառ է հանդիսացել ճողվածքի առաջացման համար։ Ցանցային պրոթեզների օգտագործումը թույլ է տալիս պրոցեդուրան կատարել առանց ձգման և մի քանի անգամ բարձրացնում է բուժման արդյունավետությունը։

Ճողվածքների կրկնման հավանականությունը, ճիշտ վիրահատական տեխնիկայի կիրառման և ցանցի ճիշտ տեղադրման դեպքում շատ փոքր է։

Ճողվածքների վիրահատության նախընտրելի մեթոդը լապարաէնդոսկոպիկ եղանակն է: