Ինչպես արդյունավետ հեռացնել գորտնուկները

Առկա են մի քանի տեսակի գորտնուկներ.

• Հասարակ գորտնուկներ՝ այն ինչ ծանոթ է շատերիս, փոքր տարիքում շատերս ենք ունեցել… ձեռքերի վրա թիկնային մակերեսին,

• Տափակ գորտնուկներ. սովորաբար դեմքի վրա են տեղակայված լինում, բայց կարող են լինել մաշկի բոլոր հատվածներում,

• Սեռական գորտնուկներ՝ կոնդիլոմաներ, սովորաբար տեղակայված են լինում սեռական օրգանների շրջանում, չնայած կարող են լինել նաև այլ տեղամասերում,

• Ներբանային գորտնուկներ՝ տեղակայված են լինում ներբանների և ափերի վրա

Հիմնական այս տեսակներից բացի տարբեր հեղինակներ առանձնացնում են նաև մի շարք այլ տարատեսակներ:

Գորտնուկների բուժման տակտիկան պայմանավորված է գորտնուկի տեղակայմամբ և բժշկի տիրապետած մեթոդներով: Սովորաբար բժիշկները տիրապետում են մեկ մեթոդի: Նման դեպքերում հնարավոր են անհաջող փորձեր, հեռացնելուց հետո կրկնումներ, իսկ եթե տվյալ կենտրոնում տիրապետում եմ բուժման երկու և ավել մեթոդների, ապա անհաջողությունը անհնար է: Իհարկե կլինեն բազմաթիվ դեպքեր, երբ մի մեթոդով կսկսենք բուժումը, հետո կշարունակենք մեկ այլ մեթոդով:

Մաշկաբանության ազգային կենտրոնում գորտնուկների բուժման համար կիրառվում են բուժման համար նախատեսված հետևյալ մեթոդները.

1. Կրիոթերապիա – հեռացում հեղուկ ազոտի միջոցով,

2. Լազերոթերապիա – հեռացում CO2 լազերով,

3. Քիմիական դեստրուկցիա – ուժեղ թթուների ներգործությամբ բուժում,

4. Դեղորայքային բուժում – կիրառվում է որպես օժանդակ միջոց նախորդ թվարկվածներին:

Նյութը տրամադրեց բժիշկ Հովհաննես Հովհաննիսյանը