Լիակատար պաշարման հետևանքով կտրուկ աճել են մահվան և հիվանդացության ցուցանիշները․ Արցախի ԱՆ
Արցախի լիակատար պաշարման հետևանքով կտրուկ աճել են մահվան և հիվանդացության տարբեր ցուցանիշները, ահազանգում է Արցախի առողջապահության նախարարությունը։
Նախարարությունը նշում է՝ Լաչինի միջանցքը Ադրբեջանի կողմից 8 ամիս շարունակ արգելափակված լինելու պայմաններում՝ հունվար-հուլիս ամիսների ընթացքում ընդհանուր մահացությունների շարքում արյան շրջանառության համակարգի հիվանդություններից մահացությունն աճելի է ավելի քան 2 անգամ, յոթ ամսում չարորակ նորագոյացություններից մահերի քանակը աճել է 15,9 տոկոսով, նախորդ տարվա նույն ժամանակահատվածի համեմատ, բժիշկների հսկողության տակ գտնվող հղի կանանց շրջանում սակավարյունության մակարդակը հասել է մոտ 90 տոկոսի։
