Խնդիր է դրվել արագացնել ռադիոիզոտոպների արտադրության կենտրոնի շահագործումը
Կայացել է ՀՀ ԱՆ ռադիոիզոտոպների արտադրության կենտրոնի կառավարման խորհրդի հերթական նիստը: Խորհրդի նորանշանակ նախագահ Նելսոն Զուլոյանն անդրադարձել է 
կենտրոնի ստեղծման նպատակին և կարևորությանը, ընդգծել առանձնահատուկ դերը Հայաստանում չարորակ նորագոյացությունների ախտորոշման և բուժման արդյունավետության բարձրացման գործում։ Այդ իսկ հանգամանքներից ելնելով խնդիր է դրվել Ռադիոիզոտոպների արտադրության կենտրոնը շահագործման հանձնել հնարավորինս սեղմ ժամկետում։
Այնուհետև կենտրոնի տնօրենը հաշվետվություն է ներկայացրել իրականացված աշխատանքների, ընթացիկ և պլանավորվող միջոցառումների, ինչպես նաև առկա խնդիրների վերաբերյալ։ Քննարկվել է նաև նորաստեղծ ծառայությունը համապատասխան բարձրակարգ մասնագետներով ապահովելու անհրաժեշտության հարցը:
Ամփոփելով, հստակեցվել են կենտրոնի շահագործումն արագացնելուն ուղղված քայլերը։ Հանձնարարվել է բանակցություններ սկսել տեղադրված սարքավորումների փորձարկման համար պահանջվող ծախսանյութերի ներկրման շուրջ։
