Կիտրոնի օգտագործման 6 յուրահատուկ եղանակ, որոնք կօգնեն միշտ գեղեցիկ ու խնամված տեսք ունենալ
Կիտրոնը շատ օգտակար ու համեղ բաղադրիչ է, որը մարդիկ օգտագործում են տարատեսակ ուտեստներ պատրաստելիս, սակայն քչերը գիտեն, որ այն կարող է նաև հիանալի միջոց լինել մաշկի, եղունգների ու մազերի քնամքի համար: Այս մասին գրում է med.tert.am-ը:
Ձեր ուշադրությանն ենք ներկայացնում կիտրոնի օգտագործման 6 յուրահատուկ եղանակ, որոնք կօգնեն միշտ գեղեցիկ ու խնամված տեսք ունենալ:
1. Կիտրոնը խոնավեցնում է շուրթերի մաշկը
Կան բազմաթիվ գործոններ, որոնք նպաստում են շուրթերի նուրբ մաշկի չորացմանը, սակայն այս խնդրից կարելի է հեշտությամբ ազատվել հասարակ կիտրոնի օգնությամբ: Պարզապես հարկավոր է քնելուց առաջ շուրթերին մի փոքր կիտրոնի հյութ քսել, ինչը կխոնավեցնի ու կսնուցի մաշկը, ինչպես նաև կազատի չորությունից:
2. Կիտրոնն ազատում է թևատակերի մուգ հետքերից
Կիտրոնը ոչ միայն գունաբացում է մուգ հետքերը, այլև ազատում է թևատակերի տհաճ հոտից՝ ոչնչացնելով այն բակտերիաները, որոնք դառնում են այդ տհաճ հոտի առաջացման պատճառ:
Ցանկալի արդյունքին հասնելու համար հարկավոր է խառնել կիտրոնի հյութը, մեղրը և վարսակի փաթիլները, այնուհետև ստացված խառնուրդը քսել թևատակերի մաշկին և թողնել մեկ ժամ:3. Կիտրոնը մաքրում է մաշկը
Կիտրոնը մաքրում է մաշկն ու նպաստում տոքսինների դուրսբերմանը, ինչի շնորհիվ հիանալի միջոց է կորյակների դեմ պայքարելու համար: Պարզապես հարկավոր է դնել կիտրոնը մաշկին և թողնել 10 րոպե: Այս պրոցեդուրայի ընթացքում և դրանից հետո որոշ ժամանակ հարկավոր է խուսափել արևի ճառագայթների ազդեցությունից՝ մաշկի վրա հետքերի առաջացումից խուսափելու համար: Իր հակաբակտերիալ ու կապող հատկությունների շնորհիվ կիտրոնն օգնում է բարելավել մաշկի վիճակն ու խթանում է ավելորդ ճարպի դուրսբերումը:
4. Կիտրոնը խնամում է ճարպոտ մաշկը
Կիտրոնը շատ օգտակար է ճարպոտ մաշկ ունեցող մարդկանց համար: Հարկավոր է քնելուց առաջ քամել թարմ կիտրոնի հյութն ու բամբակյա սկավառակի միջոցով քսել այն մաշկին: Այս պրոցեդուրան հարկավոր է անպայման անցկացնել քնելուց առաջ, որպեսզի դրանից հետո մաշկը չենթարկվի արևի ճառագայթների վնասակար ազդեցությանը: Կիտրոնի հյութը զգալիորեն բարելավում է մաշկի վիճակն ու մաքրում է ավելորդ ճարպից:
5. Կիտրոնն ամրապնդում ու գունաբացում է եղունգները
Կիտրոնը շատ օգտակար է նաև եղունգների համար: Այն ոչ միայն ամրապնդում է եղունգները, այլև ազատում է դրանց վրա առաջացած բոլոր հետքերից: Հարկավոր է 2 ճաշի գդալ ձեթապտղի յուղին մի փոքր կիտրոնի հյութ ավելացնել ու լավ խառնել, այնուհետև ստացված խառնուրդը քսել եղունգներին:
6. Կիտրոնը խնամում ու գունաբացում է վարսերը
Մասնագետներն ապացուցել են, որ կիտրոնը նաև շատ արդյունավետ բաղադրիչ է վարսերը խնամելու և գունաբացելու համար: Պարզապես հարկավոր է մի փոքր կիտրոնի հյութ քսել մազերին և որոշ ժամանակ մնալ արևի շողերի ներքո: Այս պրոցեդուրան կօգնի գունաբացել մարզերն ու դարձնել դրանց գույնն ավելի վառ: Առավել լավ արդյունքի հասնելու համար հարկավոր է կրկնել այս պրոցեդուրան շաբաթական ընդամենը մեկ անգամ:
Նյութի աղբյուրը՝ med.tert.am
