ՁՄԵՌԱՅԻՆ ՄԱՐՄՆԱՄԱՐԶՈՒԹՅՈՒՆ.Բացօթյա մարզանքի անվտանգության խորհուրդներ
ՍՏՈՒԳԵՔ ԵՂԱՆԱԿԱՅԻՆ ՊԱՅՄԱՆՆԵՐԸ
Ծանոթացեք եղանակի տեսությանը նախքան մարզանքի դուրս գալը. ջերմաստիճանը, քամին ու խոնավությունը կարևոր գործոններ են ցուրտ եղանակի պայմաններում ապահով բացօթյա մարզանքի համար:
ՍՏՈՒԳԵՔ ՔԱՄՈՒ ՍԱՌՆՈՒԹՅՈՒՆԸ
Սառը քամին կարող է կարող է վտանգավոր լինել բացօթյա մարզանքների համար նույնիսկ տաք հագուստի պայմաններում:
ՏԵՂԵԿԱՑԵՔ ՑՐՏԱՀԱՐՈՒԹՅԱՆ ԵՎ ՀԻՊՈԹԵՐՄԻԱՅԻ ՄԱՍԻՆ
Ցրտահարությունը մարմնի վնասվածք է, որն առաջանում է սառցակալելուց: Վաղ նախազգուշացման նշաններ են թմրությունը, զգայունության կորուստը կամ այրող զգացողությունը:
Հիպոթերմիան մարմնի ոչ նորմալ ցածր ջերմաստիճանն է: Ախտանշաններն են ուժգին տենդը, անհոդաբաշխ խոսքը, կոորդինացման կորուստը և հոգնածությունը:
Հնարավոր հիպոթերմիայի դեպքում դիմեք Շտապօգնության
ծառայություն:
ՄԻ ՔԱՆԻ ՇԵՐՏ ՀԱԳՈՒՍՏ ԿՐԵՔ
Հագնվեք մի քանի շերտով, որպեսզի անմիջապես հանեք հագուստը, երբ սկսեք քրտնել ու նորից հագնել դրանք, երբ պետք լինի:
Պաշտպանեք ձեր գլուխը, ձեռքերը, ոտքերն ու ականջները՚
ցուրտ եղանակին արյան հոսքը կենտրոնանում է մարմնի մեջտեղում՝ ձեր գլուխը, ձեռքերն ու ոտքերը խոցելի դարձնելով ցրտահարության համար: Ծածկեք խոցելի մասերը:
ՄԻ ՄՈՌԱՑԵՔ ԿՐԵԼ ԱՆՎՏԱՆԳ ՀԱՆԴԵՐՁԱՆՔ և ԱՐԵՎԱՅԻՆ ԱԿՆՈՆՑԵՐ
Հագեք համապատասխան պաշտպանող հագուստ: Օրինակ՝ եթե մարզանքի ժամանակ դրսում մութ է, կրեք անդրադարձիչ հագուստ: Սաղավարտ հագեք դահուկավազքի, սնոուբորդի կամ ձնագնացության ժամանակ: Նաև կարևոր է արևային ակնոցներ կրելը:
ՇԱՏ ՀԵՂՈՒԿ ԽՄԵՔ
Հեղուկի ընդունումը ցուրտ եղանակին նույնքան կարևոր է, որքան՝ շոգին: Խմեք ջուր, կամ սպորտային խմիչքներ մարզանքներից առաջ, ընթացՔում և դրանցից հետո, նույնիսկ, եթե իսկապես ծարավ չեք:
Ցրտին մարզվելուն նախապատրաստվելը տաք եղանակից տարբերվում է: Երկու դեպքում էլ անհրաժեշտ է լավ սնվել ու հեղուկ օգտագործել: Այնուամենայնիվ, ըստ Մայո կլինիկայի սպորտային բժշկության կենտրոնի դոկտ. Ջոնաթան Ֆինոֆֆի, տաք եղանակին ձեր մարմինը կկլիմայացվի կամ կհարմարվի շոգին, մինչդեռ ցուրտ եղանակին այդպես չի լինի:
Մարմինը սկզբում կսեղմի արյան անոթներն ավելի ակտիվորեն, ինչպես նաև ավելի վաղ փուլում կսկսի ցնցվել ցրտից: Հագուստի շերտերը հատկապես կարևոր են ցրտին մարզանքի նախապատրաստվելու համար ի տարբերություն տաք եղանակի:
Ինչպես նշում են մասնագետները՝ հիպոթերմիան կարող է դառնալ մեծ անհանգստություն՝ կախված այն բանից, թե որքան սաստիկ է ցուրտը և որքան զգայուն է մաշկը:
Անկախ ջերմաստիճանից արևի ներազդեցության վտանգ կա: Բացօթյա ֆիզիկական վարժությունները մեծացնում են մաշկի քաղցկեղի ռիսկը, ուստի կարևոր է պաշտպանել ձեր մաշկը ջերմությունից:
Նրանք, ովքեր տառապում են ասթմայից, նաև պետք է տեղյակ լինեն ցուրտ եղանակի վտանգների մասին: Ցուրտ, չոր օդը կարող է վնասել թոքերը և առաջացնել ասթմայի նոպա:
Առողջական խնդիրներ ունեցողները պետք է ճշտեն իրենց բժիշկների հետ որևէ հատուկ նախազգուշացման համար, որը հիմնված է նրանց առողջական վիճակի կամ նշանակված դեղամիջոցների վրա:
Բացօթյա մարզանքը գրեթե միշտ լավ գաղափար է, քանի դեռ համապատասխան նախապատրաստումներ եք ձեռնարկում ծայրահեղ ջերմաստիճանային պայմանների համար:
Նյութի աղբյուրը՝ Astghik Medical Center