Մարզերում անցկացվում է «Բաց դռների օրեր» ծրագիրը
Հայաստանի մարզերում նեղ մասնագետների բացը լրացնելու համար կազմակերպվել է «Բաց դռների օրեր» ծրագիրը: Այն իրականացվում է «Առողջապահության կազմակերպիչների միավորում» հասարակական կազմակերպության կողմից՝ ՀՀ առողջապահության նախարարության աջակցությամբ: Մեկնարկը տրվել է փետրվարի 23-ին, շարունակվելու է մինչև մարտի 25-ը:
Նախատեսվում է իրականացնել նեղ մասնագիտական խորհրդատվություն, անհրաժեշտության դեպքում` լաբորատոր գործիքային հետազոտություններ: Այս ծրագիրը կնպաստի նաև Երևանի առաջատար մասնագետների և տեղում մասնագիտական գործունեություն իրականացնող բժիշկների կապերի ամրապնդմանը, փորձի փոխանակմանը:
