Յամայկայի բուրավետ պղպեղ
Այս պտուղներն իրենցից ներկայացնում են հատապտուղներ, սկզբում կապտականաչավուն հատապտուղներ են. չորացումից հետո անհարթ, երկուսից երեք անգամ ավելի մեծ շագանակագույն հատիկներ են, քան սև պղպեղը, որը պարունակում է մինչև 4%-անոց եթերայուղ։ Համեմունքն ունի անուշ բույր, կծու համ և հիշեցնում է սև պղպեղի, մեխակի, մշկընկույզի և դարչինի խառնուրդ։
Ամբողջական հատիկն ավելացվում է մսային ապուրների, մարինադների, մսային սոուսների (ավելի հազվադեպ՝ ձկնային կերակրատեսակներում) և օգտագործումից առաջ հանվում են ուտեստի միջից, քանի որ այն համը տալիս է տապակած մսին, հատկապես թռչնամսին։ Հատիկավոր պղպեղը ջրի մեջ թույլ է լուծվում։ Աղացած վիճակում հատիկավոր պղպեղն ավելացվում է միայն հրուշակեղենի խմորի մեջ (քաղցրաբլիթ, թխվածքաբլիթ, կեքս)՝ որպես համեմված խառնուրդների բաղադրիչներից մեկը։ Բուրավետ պղպեղը պարունակում է պիմենտոյի յուղ, որն օգտագործվում է լիկյորների արտադրության մեջ, ինչպես նաև կոսմետիկական արդյունաբերության մեջ՝ օծանելիքների և օճառների արտադրության համար։ Դրա հիմնական բաղադրիչներն են՝ էվգենոլը, կարիոֆիլլենը, ցինեոլը, ֆելլանդրենը։