Ստեփանակերտում եռյակ տղաներ են ծնվել
Նորածինները անհաս են լույս աշխարհ եկել։ Հիվանդանոցից դուրս կգրվեն միայն այն ժամանակ, երբ նրանց առողջական վիճակը դա թույլ կտա։
Sputnik․ Արցախի Հանրապետության մայրաքաղաք Ստեփանակերտի «Մոր և մանկան առողջության» պահպանման կենտրոնում մայիսի 25-ին եռյակ տղաներ են ծնվել։ «Արցախպրեսին» այս մասին հայտնել է բուժհաստատության գործադիր տնօրեն Վարդգես Օսիպովը։
«Եռյակը լույս աշխարհ է եկել 1 կգ 610 գրամ, 1 կգ 600 գրամ և 1 կգ 400 գրամ քաշով, իսկ ծննդաբերությունն իրականացվել է կեսարյան հատումով»,- նշել է Օսիպովը՝ հավելելով, որ երեք եղբայրները անհաս են լույս աշխարհ եկել և ստանում են համապատասխան խնամք ու բուժում։
Նրա խոսքով՝ նորածինները դուրս կգրվեն միայն այն ժամանակ, երբ նրանց առողջական վիճակը թույլ կտա։
Առնվազն 15 օր նրանք դեռ կլինեն բժիշկների վերահսկողության տակ։
