Աշխարհի առաջին մատանին՝ պատրաստված ամբողջությամբ ադամանդից
Apple ընկերության դիզայնի բաժնի ղեկավար Ջոնաթան Այվը և արդյունաբերական դիզայներ Մարկ Նյուսոնը ստեղծել են աշխարհում առաջին ամբողջական ադամանդյա մատանին։ Զարդը ստեղծվել է արհեստական ադամանդներ արտադրող ամերիկյան Diamond Foundry ընկերության պատվերով։ Ընկերությունն աճեցրել է ադամանդն այնքան, մինչև այն հասել է մատանի պատրաստելու համար անհրաժեշտ չափի։ Նշվում է, որ մատանու պատրաստման գործընթացքում ամենաբարդը եղել է նրան ճիշտ ձևը տալու պահը։
Զարդն արդեն գնահատվել է 250 հազար դոլար։ Մատանին վաճառքի կհանվի դեկտեմբերի 5-ին RED հատուկ բարեգործական միջոցառման շրջանակներում Sothbey’s աճուրդի աջակցությամբ։ Վաճառքից ստացված գումարը կտրամադրվի ոչառևտրային կազմակերպություններին։