Բուժաշխատողների հավաստագրման գործընթացի վերաբերյալ իրազեկում` Արարատի մարզում
Արարատի մարզպետարանում ՀՀ առողջապահության նախարարի առաջին տեղակալ Լենա Նանուշյանը, ԱՆ Առողջապահության ազգային ինստիտուտի տնօրեն Ալեքսանդր Բազարչյանը և Արարատի մարզպետարանի առողջապահության և սոցիալական ապահովության վարչության պետ Սուսաննա Կտրակյանը խորհրդակցություն են անցկացրել` մարզի բժշկական հաստատությունների ղեկավարների, աշխատակիցների մասնակցությամբ:
Ներկայացվել է մարզում բուժաշխատողների շարունակական մասնագիտական զարգացման և պարտադիր հավաստագրման գործընթացը: Նշվել է, որ բուժաշխատողների պարտադիր հավաստագրման գործընթացի առաջին շրջափուլի համար սահմանված վերջնաժամկետը 2023թ-ի հունվարի 1-ն է։ Մինչ այդ, ըստ կարգի, բուժաշխատողները պետք է ունենան շարունակական մասնագիտական զարգացման արդյունքների գնահատման հավաստագրեր:
