Ինչ գանգատների դեպքում է անհրաժեշտ դիմել մանկաբարձ-գինեկոլոգին
Արգանդի պարանոցի քաղցկեղը և կրծքագեղձի քաղցկեղը կանանց օնկոլոգիական հիվանդությունների և մահացության պատճառների առաջատարներից են։
Դրանց կանխարգելումը և վաղ հայտնաբերումը էական նշանակություն ունեն բուժման հարցում և կնոջ առողջության հիմնաքարերից են։
Պրոֆիլակտիկ գինեկոլոգիական զննումները կարող են կանխարգելել արգանդի, ձվարանների և կրծքագեղձերի նախաքաղցկեղային և չարորակ հիվանդությունները։
Պետական պատվերի շրջանակներում գործում են սկրինինգային ծրագրեր, նաև շատ կարևոր են
մանկաբարձ-գինեկոլոգին պարբերական այցերը։
Տեղամասային մանկաբարձ-գինեկոլոգին առաջին անգամ դիմած կանանց պետական պատվերի շրջանակներում իրականցվում է կրծքագեղձերի կանխարգելիչ զննում և շոշափում, գինեկոլոգիական զննում, բժշկական ցուցումների դեպքում` գերձայնային և այլ հետազոտություններ։
Իրականացվում է նաև առաջին անգամ դիմած 30-60 տարեկան կանանց արգանդի պարանոցի օնկոցիտոլոգիական քննություն, իսկ բժշկական ցուցումների առկայության դեպքում` կոլպոսկոպիա ու բիոպսիա։
Օնկոցիտոլոգիական քննությամբ պաթոլոգիայի բացակայության դեպքում դեպքում` 30-60 տարեկան կանանց համար հետազոտությունը կրկնվում է 3 տարին մեկ: