Հայաստանում հարցվածների 61 տոկոսը կողմ է առողջապահական ապահովագրությանը
Առողջապահական ապահովագրության (առողջապահական համապարփակ ծածկույթի) համար վճարելու պատրաստակամությունը գնահատելու նպատակով Հայաստանի ամերիկյան համալսարանի Ավետիսեան Օնանեան առողջապահական ծառայությունների հետազոտման և զարգացման կենտրոնն իրականացրել է հանրային կարծիքի ուսումնասիրություն։
Ոււսումնասիրության արդյունքները հրապարակվել են ՀՀ առողջապահության նախարարության ֆեյսբուքի էջում:
Հետազոտությանը մասնակցած 18-65 տարեկան ՀՀ քաղաքացիների 61%-ը կողմ է արտահայտվել առողջապահական ապահովագրությանը:
Շուրջ 73%-ը պատրաստակամություն է հայտնել վճարելու իրենց ամսական եկամտի 2-6%-ը ապահովագրությունից օգտվելու համար:
9%-ը նշել է, որ պատրաստ չեն վճարելու:
13%-ը դժվարացել են պատասխանել այդ հարցին։
