Որո՞նք են թույլ սրտի ախտանիշները
Թույլ սիրտը կապված է սրտի անբավարարության հետ, եւ դրա ախտանիշներից մեկը կարող է լինել հոգնածությունը, գրում է «МедикФорум»-ը:
Երբ քննարկվում են ախտանիշները, որոնք կարող են վկայել թույլ սրտի մասին, սրտաբանները հաճախ խորհուրդ են տալիս ուշադրություն դարձնել կրկնվող շնչարգելության վրա:
Հիվանդության դեպքում սիրտը կորցնում է արյունը ամբողջ մարմնով ակտիվորեն եւ ամբողջությամբ մղելու ունակությունը, եւ արյան մատակարարման այս թուլացումը բացասաբար է անդրադառնում թոքերի աշխատանքի վրա: Դրանց մեջ կարող է հեղուկ կուտակվել ու շնչաարգելություն առաջացնել։
Թույլ սրտի մասին հատկապես կարող է վկայել շնչարգելությունը, որն առաջանում է սովորական գործերից, որոնք նախկինում նման անհանգստություն չեն առաջացրել:
Բացի այդ, թույլ սրտի ամենատարածված ախտանիշներից մեկը վիճակագրորեն գերհոգնածության զգացումն է, որն առաջանում է առօրյա կյանքում, որը չի դարձել ավելի լարված կամ հոգնեցնող:
Հոգնածության, գերհոգնածության զգացումը կարող է լինել նաեւ քնի ապնոէի, շաքարախտի, անեմիայի, դեպրեսիայի, սրտի անբավարարության հետեւանք: Այս բոլոր հիվանդությունների դեպքում սիրտը արդյունավետ չի աշխատում, եւ մարմինը ստանում է ավելի քիչ թթվածին. սա առաջացնում է գերհոգնածության զգացում, չնայած հանգստին եւ քնին:
