Ամենաօգտակար չրերը. ինչպես են դրանք ազդում մարդու օրգանիզմի վրա
Որքան էլ չրերն օգտակար են, այդուհանդերձ ուտելիս պետք է հաշվի առնել, որ դրանք կարող են քաշի հետ կապված խնդիրներ առաջացնել։
Սննդաբանները եզրակացրել են, որ չորացրած մրգերից ամենաօգտակարը ծիրանաչիրը, սալորաչիրը, խուրման ու չամիչն են։
Հենց այս չրերն են, որ երեք անգամ ավելի շատ միկրոտարրեր են պարունակում, քան թարմ մրգերը, և կարող են ապահովել օրական անհրաժեշտ օգտակար նյութերի քանակը։ Այս 4 չրերը նաև մեծ քանակի պոլիֆենոլներ են պարունակում, որոնք ուժեղ հակաօքսիդանտներ են։
Ծիրանաչիր
Ծիրանաչիրը մեծ քանակությամբ պեկտին, կալցիում, երկաթ, կալիում, В5 վիտամին և ամինաթթուներ է պարունակում։
Օգտակար է աչքերի հիվանդությունների կանխարգելման համար, չէ՞ որ այն ապահովում է А վիտամինի օրական նորմայի 47%–ը, իսկ դա օգտակար է մաշկի և աչքերի համար։
Բացի այդ, ծիրանաչիրը նպաստում է մարսողական տրակտի մաքրմանն ու հեմոգլոբինի բարձրացմանը։
Անուշաբույր չիրն օգտագործվում է աղանդեր, թխվածք, ըմպելիքներ և քաղցրավենիքներ պատրաստելու համար։
Սալորաչիր
Սալորաչիրը հարուստ է բջջանյութով, А և К վիտամիններով։ Լավ միջոց է սրտանոթային հիվանդությունների կանխարգելման համար, իսկ բորի մեծ կոնցենտրացիայի շնորհիվ օգնում է պայքարել օստեպորոզի դեմ։
Ինչպես հայտնի է, սալորաչիրը կարգավորում է աղիների աշխատանքը։ Ցուցված նաև վիրահատությունից կամ հիվանդությունից հետո վերականգնողական շրջանում կամ ֆիզիկական ծանր աշխատանք կատարող մարդկանց։
Սալորաչիրը օրգանական թթուներ և հանքանյութեր է պարունակում, ինչն էլ ապահովում է բուժիչ, հակաօքսիդանտային և հակասթրեսային հատկությունները։
Սալորաչիրն իրենց սննդակարգում են ներառում քրոնիկ փորկապությամբ, երիկամների, լյարդի և սրտի հիվանդություններով տառապող մարդիկ։
Անուշաբույր պտուղներն օգտագործում են խավարտ, փլավ, աղանդերի, աղցան և խմիչք պատրաստելիս։
Խուրմա
Խուրման հարուստ է երկաթով, կալիումով և բջջանյութով։ Հակաօքսիդանտներն էլ պայքարում են օրգանիզմի ծերացման և չարորակ բջիջների դեմ։ Խուրման ամրացնում է սրտամկանը և ավելացնում էներգիան։ Իզուր չէ, որ խուրման նաև «կյանքի պտուղ» են անվանում։
Այս չիրը կարող է փոխարինել կոնֆետներին, հատկապես նրանց համար, ովքեր հատուկ սննդակարգով են սնվում, բայց իրենց կյանքը չեն պատկերացնում առանց քաղցրի։ Խուրման օգնում է պահպանել կուշտ լինելու զգացողությունը։
Չամիչ
Չամիչը հագեցած է կալցիումով, В խմբի վիտամիններով, այդ պատճառով կարող է նվազեցնել արյան ճնշումը, ինչպես նաև օրգանիզմում բորբոքային գործընթացները։
Խորհուրդ է տրվում ուտել նաև սակավարյունության, աղեստամոքսային տրակտի և երիկամների խանգարումների ժամանակ։
Չամիչը, ընդեղենի և մեղրի հետ խառնելով, կարելի է մի շարք սննդարար և օգտակար նյութերի լիարժեք աղբյուր ստանալ։
Ու թեև չրերը շատ օգտակար են, այդուհանդերձ սննդաբանները զգուշացնում են, որ պետք է հետևել դրանց քանակին, այլապես կարելի է քաշ հավաքել։
Հիշեք, որ չրերը պետք է պահել կտորից տոպրակներում, ուտելուց առաջ էլ` լավ լվանալ վրայի թաղանթը հեռացնելու համար:
