Բուսամիջոցներ քրտնարտադրությունը ուժեղացնելու համար
*Բռնչի- 1 ճաշի գդալ պտուղների վրա լցնել 1 բաժակ ջուր և եփել թեյի ձևով:
Պտուղը պարունակում է դաբաղանյութեր, ֆլավոններ, օրգանական թթուներ՝ խնձորի, մրջյունի, կատվախոտի, կիտրոնի եւ այլն, բույսին բնորոշ՝ գլիկոզիդ վիբուրնին:
ՀԱԿԱՑՈՒՑՈՒՄՆԵՐ: Բռնչի սովորականի բոլոր մասերից ստացված պատրաստուկները պետք է զգուշորեն օգտագործել հետեւյալ դեպքերում՝ արյան բարձր մակարդելիություն, հիպոտոնիա, հոդատապ, արթրիտ, վարիկոզ, թրոբոֆլեբիտ, երիկամների հիվանդությունների սրացման շրջան, հղիություն: Խորհրդակցեք բժշկի հետ:
*Մոռենու տերևները, սև թանթրվենու ծաղիկները, արևքուրիկ խոտաբույսը, երիցուկի և լորենու ծաղիկները` 20-ական գ., փոշիացնել, խառնել միմյանց հետ: 1 ճաշի գդալ բուսահումքի վրա լցնել 1 բաժակ եռացրած ջուր, թրմել, քամել: Երեկոյան խմել 2 բաժակ թուրմ:
*Քաջվարդի, խռնդատի, երիցուկի ծաղիկները, բիանի արմատները, անանուխի տերևները 10-ական գ.սև թանթրվենու, լորենու ծաղիկները` 20-ական գ. ուռոնու կեղևը` 30գ., փոշիացնել, խառնել միմյանց: 2 ճաշի գդալ բուսահումքի վրա լցնել 0.5 լիտր եռացրած ջուր, թրմել 15 րոպե, քամել: Խմել տաք վիճակում: 1 օրվա չափաբաժինն է:
*Բիանի արմատները 40գ. լորենու ծաղիկները` 60 գ., փոշիացնել, խառնել միմյանց հետ: 1 ճաշի գդալ բուսահումքի վրա լցնել 1 բաժակ եռացրած ջուր, թրմել 15 րոպե, քամել: Խմել տաք վիճակում , օրական 2-3 բաժակ:
