Ասթմա: Ինչու է ասթման հաճախ սկսվում է մանկական շրջանում
Ասթման սրացումներով ընթացող թոքերի քրոնիկական հիվանդություն է շնչուղիների ախտահարման հետևյալ բնութագրերով.
1. շնչուղիների օբստրուկցիա` ինքնուրույն կամ բուժման շնորհիվ վերականգնելի (որոշ դեպքերում` ոչ լիարժեք)
2. շնչուղիների բորբոքում
3 .շնչուղիների գերզգայնություն տարբեր ախտանիշների նկատմամբ:
Ասթմայի դեպքում շնչուղիների գերզգայնություն առաջացնող հիմնական մեխանիզմը շնչուղու բորբոքումն է: Բացի այդ` դեր ունեն նաև բրոնխների էպիթելի կառուցվածկային խանգարումները, վեգետատիվ նյարդային համակարգի ինչպես նաև բրոնխների հարթ մկանների ֆունկցիայի փոփոխումները և շնչուղիների օբստրուկցիան:
Ասթման հաճախ սկսվում է մանկական շրջանում: Մեծամասամբ հիվանդությունը զարգանում է մինչև 8 տարեկանը, այդ թվում` դեպքերի կեսից ավելին մինչև 3 տարեկանը: Մինչ դեռահասություն տղաները 2-3 անգամ հաճախ են հիվանդանում ասթմայով, դեռահասության շրջանում հիվանդությունն ըստ սեռի հավասարվում է, դեռահասության շրջանից աղջիկները ավելի հաճախ են հիվանդանում ասթմայով:
Մանկական հասակում առաջացած ասթմայի նշանները դեռահասության շրջանում մեղմանալու և անգամ վերանալու հակում ունեն, սակայն ավելի մեծ տարիքում հաճախ ասթման կրկին վերականգնվում է:
Համարվում է, որ նշանների վերացման հավանականությունն ավելի բարձր է, եթե ասթման սկսվել է մանկության համեմատաբար ուշ շրջանում, մեղմ ընթացք է ունեցել և հիվանդության առաջացումն ու սրացումները հիմնականում պայմանավորվել են ինֆեկցիոն գործոնով: Համապատասխանաբար, ավելի ծանր ու կայուն ընթացք է կանխատեսվում, եթե հիվանդությունը սկսվել է վաղ հասակում` մինջև 3 տարեկանը կամ առաջատար է ալերգիկ գործոնը, առավելապես ատոպիկ հիվանդության այլ նշանների առկայության պայմանում:
Տրիգերներ կամ դրդիչներ
- Ալերգեններ
- Գրգռիչներ
- Ինֆեկցիա
- Ֆիզիկական գործոններ
- Էմոցիոնալ գործոններ
- Գաստրոէզոֆագեալ ռեֆլյուքս
- Ռեսպիրատոր ալերգոզներ
- Ոչ ալերգիկ գերզգայնություն դեղորայքի նկատմամբ
- Էնդոկրին գործոններ:
Կլինիկական դրսևորումներ
Ասթման կլինիկորեն արտահայտվում է սրացումներով, որոնց հաջորդում է ասիմպտոմատիկ շրջանը, երբ հիվանդն իրեն առողջ է զգում և հաճախ օբյեկտիվ քննությամբ որևէ ախտանիշ չի հայտնաբերվում:
Ասթմայի դասակարգումն ըստ ծանրության
I Թեթև մեջընդմիջվող ասթմա
II Կայուն ասթմա
ա. Թեթև արտահայտված
բ. Միջին ծանրության
գ. Ծանր
Բուժում
Ասթմայի վարման առաջին քայլը հիվանդի և հարազատների կրթումն է ասթմատիկ նոպայի դրդիչներից խուսափելու ուղղությամբ: Ինչպես արդեն նշվել է, հնարավոր դրդիչները բազմաթիվ են և հիվանդին դրանից զերծ պահելը հեշտ խնդիր չէ: Հիվանդության յուրաքանչյուր դեպքում խիստ ցանկալի է առավել կարևոր տրիգերների հայտնաբերումը: Տարբեր ալերգենների նշանակությունը փաստելու համար մշակված են մասնագիտական հետազոտումներ (օրինակ` մաշկային և ռադիոալերգոսորբենտ տեստեր, սպեցիֆիկ IgE-ի որոշում և այլն) և բուժական միջոցառումներ (հիպոսենսիբիլիզացիա, իմունոլոգիական պրեպարատների կիրառում և այլն):
Դեղորայքային բուժում
Ասթմայի բուժման երկու կարևոր խնդիրներն են` ասթմատիկ նոպայի վերացումը և սրացումների կանխարգելումը: Ուստի դեղորայքային բուժման հիմքը մեղմացնող և սրացումները վերահսկող (կառավարող) դեղամիջոցների կիրառումն է:
Մեղմացող դեղորայքը նշանակվում է ասթմայի սրացումները վերացնելու նպատակով: Դրանք ուղղված են թեթևացնելու սուր ախտանիշները` կրծքավանդակի արտափքումը, կարճացած շնչառությունը, հազը և սուլող խզզոցները: Այս խմբի հիմնական ներկայացուցիչները կարճատև ազդեցության բրոնխոդիլատատորներն են: Ներկայումս ամենալայն կիրառումն ունի ինհալացիոն ճանապարհով նշանակվող ալբուտերոլը:
Աէրոզոլային բուժումն ապահովող տարբեր միջոցներ կան, և կախված երեխայի տարիքից կամ զուտ տեխնիկական հնարավորություններից` կիրառում են սահմանված դեղաչափով ինհալյատոր, որին ըստ պահանջի հարմարեցվում է նաև աէրոզօլի տարածիչ սարքը:
Բուժման մեջ կարևոր տեղ ունեն շնչառական վարժությունները:
Նյութի աղբյուր՝ aroxjblog.am