Ինչպես ձմռանը խուսափել քաշի ավելացումից․ խորհուրդներ մասնագետից

Ձմռան ամիսներին շատերի մոտ ակնհայտ քաշի ավելացում է նկատվում, ինչը պայմանավորված է նյութափոխանակության գործընթացների դանդաղեցմամբ և շարժունակության նվազմամբ։ Այս մասին «Իզվեստիա»-ի հետ զրույցում ասել է բժիշկ Անաստասիա Ժդանովան:

Մասնագետի խոսքով՝ ձմռան ընթացքում մարդու քաշն ավելանում է միջինում 5%-ով։ Քաշի նման ավելացման պատճառ են դառնում սննդակարգի փոփոխությունն ու արևի պակաս։ Բացի այդ, օրգանիզմը սթրեսի մեջ է լինում և գործարկում է պաշտպանական մեխանիզմները, որոնք էլ նպաստում են քաշի ավելացմանը: Սա է պատճառը, որ ձմռանը նյութափոխանակությունը խթանելը շատ կարևոր է։

«Սննդակարգում հարկավոր է ավելի շատ սպիտակուցներ ներառել՝ թարմ անյուղ միս, ձուկ և ցածր յուղայնությամբ կաթնամթերք: Սպիտակուցի լրացուցիչ աղբյուր կարող են լինել սպիտակուցային կոկտեյլները, որոնք նույնպես օգնում են զսպել ախորժակը և նվազեցնել հետագա սննդի կալորիականությունը մոտ 30%-ով։ Անհրաժեշտ է նաև սննդակարգում մեծ քանակությամբ բանջարեղեն, մրգեր և դեղաբույսեր ներառել։ Օպտիմալ սննդակարգ կլինի օրական 4-6 անգամ սնվելը», – նշել է բժիշկը։

Նա նաև հավելել է, որ քաշի ավելացման պատճառ կարող է դառնալ նաև վիտամինների և սննդանյութերի պակասը, ուստի պետք է ուշադրություն դարձնել B խմբի վիտամինների, յոդի և երկաթի ընդունմանը, սակայն միայն բժշկի հետ խորհրդակցելուց հետո։

Նյութը ՝ tert.am