Հղիության նշաններ
Հղիության առաջին նշանը հերթական դաշտանային ցիկլի բացակայությունն է: Բայց քանի որ շատ կանանց մոտ կարող են լինել անկանոն դաշտանային ցիկլեր որևէ հիվանդության, սթրեսի կամ ապրելակերպի կտրուկ փոփոխման հետևանքով, հետևաբար, այն բացարձակ հավաստի նշան չէ: Հղիության այլ նշաններց են.
-սրտխառնոցը, փսխումը, առավոտյան տկարությունը
-կրծքագեղձերի մեծացումը, ցավոտությունը, լարվածությունը
-տրամադրության փոփոխությունները և այլն:
Հղի կինը կարող է ունենալ այս նշաններից որևէ մեկը, բոլորը կամ էլ ՝ ոչ մեկը:
Հղիությունը բավականին մեծ հավաստիությամբ կարելի է որոշել դաշտանի ուշացման հենց առաջին օրվանից՝ հղիության թեստի միջոցով, որը վաճառվում է դեղատներում,ինչպես նաև ուլտրաձայնային հետազոտության միջոցով:
Հիշեք, որ հղիության թեստը առավել ճիշտ է կատարել առավոտյան մեզով:
Պատասխանը ստացվում է րոպեների ընթացքում:
Ապրեք Առողջ…
Պատրաստեց ՝ Բունիաթյան Գ.