Շաուրման վտանգավոր է առողջության համար. բժիշկ

Շաուրմայի հիմնական վտանգն այն է, որ մանրացրած միսը, մայոնեզի սոուսը և այս ուտեստի մեջ ներառված բանջարեղենը կարող են աղտոտված լինել աղիքային ինֆեկցիաների պատճառ հանդիսացող բակտերիաներով՝ դիզենտերիա, սալմոնելոզ, կամպիլոբակտերիոզ, երսինիոզ: Այս մասին, ըստ shantnews-ի՝ «Իզվեստիա»-ին հայտնել է գաստրոէնտերոլոգ, բժշկական գիտությունների թեկնածու Եկատերինա Քաշախը։

Ըստ Քաշախի՝ կա նաև այլ վտանգ, երբ բակտերիաներն իրենք մահանում են, բայց իրենց հետևում թողնում են բազմաթիվ տոքսիններ։

Նա նշել է, որ աղիքային ծանր վարակի հավանականությունն ավելի մեծ է թուլացած իմունային համակարգ ունեցող մարդկանց մոտ, ինչպիսիք են իմունային համակարգը ճնշող դեղեր ընդունողները, ինչպես նաև ՄԻԱՎ ունեցողները:

Ինչպես ընդգծել է «Իզվեստիա»-ի զրուցակիցը, շաուրմայի ամենավտանգավոր բաղադրիչը միսն է։ Եթե պահպանման և պատրաստման տեխնոլոգիան խախտվում է, դա կարող է առաջացնել բակտերիալ և վիրուսային ծագման աղիքային վարակներ։