Որո՞նք են կանաչ սոխի օգտակար հատկությունները
Կանաչ սոխն ունի օգտակար հատկություններ, որոնց շնորհիվ այն ախտահանում է բերանի խոռոչը, նվազեցնում կարիեսի ու ստոմատիտի առաջացման վտանգը, նշել է սննդաբան Նատալյա Գերասիմովան, փոխանցում է FAN-ը։
Մասնագետի խոսքով՝ կանաչ սոխը հարուստ են կալիումով, ցինկով եւ կալցիումով։ Բացի այդ, սոխը A, B, C վիտամիններ է պարունակում։ Վիտամին A-ն դրական է ազդում տեսողության վրա, իսկ ցինկի շնորհիվ այս բանջարեղենը կարող է որպես բնական հակաբիոտիկ ծառայել:
«Վիտամին C-ն բարձրացնում է իմունիտետը, ուստի այն հատկապես արդյունավետ է սեզոնային մրսածության, գրիպի, բերիբերիի դեպքում»,- ասել է բժիշկը «Իզվեստիա»-ի հետ զրույցում։
Այնուամենայնիվ, կանաչ սոխը պետք է զգուշությամբ օգտագործվի: Այս բանջարեղենն առանձնահատուկ վտանգ է ներկայացնում աղեստամոքսային հիվանդություններ ունեցողների համար։
Սոխ ուտելը նպաստում է իմունային եւ նյարդային համակարգերի աշխատանքին: Այն հարուստ է ծծմբով, յոդով, կալցիումով, երկաթով եւ շատ այլ սննդանյութերով։
