Պատանեական պզուկներ
Պատանեական պզուկները նկատվում են ճարպոտ մաշկ և լայն ծակոտիկներ ունեցող երիտասարդների մոտ,ընդ որումսև կորյակները հայտնվում են ճարպամազապարկային անցքերում: Այդպիսի կետերը դժվարացնում են ճարպագեղձերի արտազատուկի արտադրությունը: Հաճախ պատանեական պզուկները կարող են լինել տարբեր տեսակի` սև կորյակների, կապտակարմիր հանգույցների նման, մասամբ թարախակալած: Դրա հետ մեկ տեղ, երևում են պիգմենտային բծեր, և փոս ընկած սպիներ, որոնք առաջանում են թարախային հանգույցները ճզմելու և եղունգներով քորելու վատ սովորության հետևանքով: Դեմքի վրա փոփոխությունների մեծ կապված է վարակվածության հետ, որն առաջանում է պատանեական պզուկները ոչ ճիշտ հանելու հետևանքով:
Պատանեական պզուկները ամենից հաճախ առաջանում են դեմքի վրա,բայց կարող է լինել նաև մեջքի և կրծքերի վրա:Պատանեական պզուկները հայտնվում են արբունքի տարիքում, 30, 40 և նույնիսկ 50 տարեկանում: Դրանց երևան գալը կապված է սեռական գեղձերի ուժեղ հորմոնային գործունեությամբ, որի հետևանքով բարձրանում է ճարպային գեղձազատուկը:
Ալկահոլի,սուրճի, շոկոլադի, կծու,թթու և աղի կերակուրների օգտագործումը նպաստում է պատանեական պզուկների առաջացմանը: Դրանց առաջացման պատճառ կարող են հանդիսանալ հյուծող հիվանդությունները, սակավարյունությունը, ֆիզիկական և նյարդային գերհոգնածությունը:
Պատանեական պզուկների վրա կանխող և բուժող ներգործություն են թողնում բնական գործոնները`մաքուր օդում մնալը, սիստեմատիկաբար լողանալը և հանքային ծծմբային ջուր ընդունելը, բանջարեղեն և միրգ օգտագործելը, ծովաջրում լողանալը և ծովային կլիման: