ՍԵՎ ԲՈՂԿ
ՍԵՎ ԲՈՂԿ- Մշակվում է բանջարանոցներում:Արմատապտուղներում հայտնաբերվել են ածխաջրեր,ազոտական լուծամզվածքային նյութեր,ճարպեր, ֆիտոնցիդներ, վիտամին C,B, բյուրեղային նյութ ռաֆանոլ,քոլին,ադենին,պենտոզին,արգինին,հիսթիդին,օրիգոնելին,յոդ,բրոմ,ֆերմենտներ`դիաստազա ,գլյուկոզիդազա, օքսիդազա,կատալազա:Հարուստ է կալիումի աղերով, եթերային յուղերով:Որպես բուժահումք գերադասելի է սևագույն տեսակը:
Խորհուրդ չի տրվում օգտագործել ստամոքսի խոց ունեցողներին,ինչպես նաև ստամոքսաբորբի,հաստ և ուղիղ աղիքների բորբոքումների դեպքում:
Սև բողկը լվանալ, առանց կեղևը մաքրելու,հանել միջուկի մի մասը , տալով գավաթի ձև, տեղը լցնել մեղր: Մեղրով լցված բողկը դնել խոր ափսեի մեջ:Օրվա ընթացքում մեղրի և բողկի հյութի խառնուրդը կլցվի ափսեի մեջ:Այդ հյութը խմեք օրը 3 անգամ ուտելուց առաջ:Ժամանակ առ ժամանակ կարելի է մեղր ավելացնել:Այս բաղադրատոմսը կարելի է օգտագործել մրսածության և հազի ժամանակ:
