Տատու. վտանգավոր գեղեցկություն
Տատու՞ եք որոշել անել Ձեր մարմնի որևէ հատվածին, թե՞ որոշել եք դիմել դիմահարդարի օգնությանը տատուաժի միջոցով ասենք հոնքերի կորեկցիայի համար: Կարդացե’ք, այս խորհուրդները:
- Դաջվածքների համար օգտագործվող գունանյութը կարող է արտահայտված ալերգիայի պատճառ դառնալ
Մաշկաբանի և ալերգոլոգի խորհրադտվությունն է պետք, եթե ունեք ալերգիա կամ մաշկային խնդիրներ: Ալերգիկ հակումներ ունեցողներին հատկապես վտանգավոր է դաջվածքի կարմրադեղնավուն երանգները: Օրգանիզմի պատասխան ռեակցիան հասկանալու համար, առաջին օր հարկավոր է աննշան դաջվածքանյութ ներմուծել մաշկի տակ, մեկ օր անց եթե ալերգիկ ռեակացիաները բացակայում են, ուրեմն կարելի է շարունակել:
- Սալոնը պետք է ունենա համապատասխան լիցենզիա, վարպետը՝ առնվազն միջին մասնագիտական բժշկական կրթություն
- Գոտկատեղի շրջանում արվող դաջվածքները էպիդուրալ անզգայացմամբ ծննդաբերությունների ժամանակ կարող են խնդիրներ առաջացնել
Հաշվի առնելով ծննդաբերության ժամանակ հնարավոր էպիդուրալ անզգայացման անհրաժեշտությունը, կանանց խորհուրդ չի տրվում դաջվածքներ անել գոտկատեղին: Էպիդուրալ անզգայացման ժամանակ դեղանյութը ողնաշարի գոտկային ողերի հատվածից ներարկվում է դեպի ողնուղեղի թաղանթներ: Դաջվածքի առկայության դեպքում անզգայացնող նյութը ներարկելիս դաջվածքի գունանյութն հնարավոր է մեխանիկորեն ողնուղեղային տարածություն ներմուծվի` հանգեցնելով վտանգավոր հետրանքների:
4. Արևայրուք ընդունելը կլինի ավելի դժվար
Դաջվածքները զգայուն են ուլտրամանուշակագույն ճառագայթների նկատմամբ: Ճառագայթման նույնիսկ փոքր դոզաները կարող են առաջացնել մաշկի այրվածք, հատկապես, եթե դաջվածքի մեջ կան դեղին կամ կարմիր գույներ: Այս իսկ պատճառով դաջվածքի համար ցանկալի է ընտրել մարմնի այնպիսի հատվածներ, որոնք հնարավորինս քիչ են լինում արևի տակ:
5. Դաջվածքների հեռացումը նույն առողջական ռիսկերն ունի ինչ` անելը
Կա դաջվածքների հեռացման 3 հիմնական տարբերակ՝ վիրաբուժական (մաշկի դաջվածքով հատվածի հեռացում), դերմաբրազիա (մաշկի մկաերեսային շերտի քերում) և լազերային (գունանյութի քայքայում լազերի միջոցով):
Ժամանակակից մեթոդը լազերայինն է, որի դեպքում մաշկը չի վնասվում, այն գրեթե ցավոտ չէ և ամենաանվտանգն է ինֆեկցիոն առումով: Շատ բան կախված է նաև մաշկի տեսակից, օգտագործված գունանյութերից և վարպետից: Լազերայինը տարբերակն ունի հակացուցումներ՝ էպիլեպսիա, հղիություն, ուռուցքային և սիրտ-անոթային հիվանդություններ:
Նյութի աղբյուրը՝ 168.am
