Ախտանշաններ,որոնք բնորոշ են սուր շնչառական վարակներին
Կյանքի առաջին 2 տարիների ընթացքում երեխաների մեծամասնությունը հաճախակի հիվանդանում են մրսածությամբ և հազով: Փոքրիկները ավելի հաճախ հիվանդանում են սուր շնչառական հիվանդություններով, քան որևէ այլ հիվանդությամբ: Սուր շնչառական վարակների հարուցիչները սովորաբար վիրուսներն են, որոնք ախտահարում են վերին շնչուղիները: Ախտահարման հետևանքով առաջանում են `հազ, հարբուխ, ջերմուրյան բարձրացում, կոկորդացավ: Հարբուխը կարող է տևել 3-7 օր:
Սովորական ախտանշանների հետևում կարող են թաքնված լինել ավելի ծանր հիվանդություններ` թոքաբորբ, բրոնխների բորբոքումներ:Այդ պատճառով ցանկալի է,որ մանկաբույժը գնահատի երեխայի վիճակը:
Որոշ վտանգավոր վիճակների ախտանշաններն են`
*Ցնցումներ
*Արտահայտված թուլություն կամ հակառակը` ծայրահեղ անհանգստություն,գրգռվածություն
*Դժվարացած,հաճախացած շնչառություն
*Ջերմություն, գլխացավ, փսխում
*Գերքնկոտություն
*Երեխան չի կարողանում ուտել, խմել
*Ընդհանուր վիճակի վատացում
Եթե երեխայի մոտ նկատվում են վերոհիշյալ ախտանշաններից որևէ մեկը, ապա անմիջապես մանկաբույժ հրավիրեք,կամ տարեք հիվանդանոց:
Հիշե՛ք, որ շնչառական վարակների մեծ մասի հարուցիչները վիրուսներն են,իսկ հակաբիոտիկները չեն ազդում վիրուսների վրա:Չպետք է չարաշահել հակաբիոտիկների և դեղորայքի ընդունումը:
Հակաբիոտիկներ կիրառում են՝ թոքերի բորբոքման, թարախային անգինայի կամ այլ ծանր հիվանդությունների դեպքում և միայն բժշկի նշանակմամբ:
Այն երեխաները, որոնք կյանքի ընթացքում անհիմն, առանց լուրջ ցուցումների հակաբիոտիկներ են օգտագործել,հետագայում ավելի հաճախ են հիվանդանում շնչառական վարակներով և այլ հիվանդություններով:
Ապրեք Առողջ…
Պատրաստեց՝ Ա. Հարությունյան