Անվճար բժշկական օգնություն՝ սոցիալապես անապահով ընտանիքներին
Dialogue.am-ը ներկայացնում է, թե ինչ արտոնություններ է նախատեսում ՀՀ օրենքը սոցիալապես անապահովների ցանկում ընգրված անձանց՝ բուժօգնություն և բուժսպասարկում ստանալու դեպքերում:
Ընտանեկան նպաստի համակարգում ընդգրկված 30.00 և ավելի բարձր անապահովության միավոր ունեցող նպաստառուները կարող են օգտվել անվճար կամ արտոնյալ պայմաններով* բուժօգնության և բուժսպասարկման արտոնությունից:
Բուժօգնությունն ու սպասարկումն իրականացվում է ՀՀ տարածքում գործող ցանկացած բուժհաստատությունում, որն ունի Առողջապահության նախարարության հետ պետպատվերի պայմանագիր:
Նպաստառու ընտանիքներին անվճար տրամադրվում են հիվանդանոցային բժշկական օգնության և սպասարկման հետևյալ տեսակները և ծառայությունները`
1. Վերակենդանացման միջոցառումներ,
2. Տուբերկուլյոզի բժշկական օգնության ծառայություններ,
3. Հոգեկան և նարկոլոգիական հիվանդությունների բժշկական օգնության ծառայություններ,
4. Աղիքային և այլ ինֆեկցիոն հիվանդությունների բժշկական օգնության ծառայություններ,
5. Ծննդօգնություն,
6. 0-7 տարեկան երեխաների բժշկական օգնության ծառայություններ,
7. Հեմոդիալիզի ծառայություններ:
Իդեպ, վերակենդանացման բժշկական միջամտությունն անվճար է ամբողջ բնակչության համար՝ անկախ տարիքից և սոցիալական կարգավիճակից:
Սոցիալապես անապահովների ցանկում ընդգրկված 36.00 և բարձր անապահովության միավոր ունեցող նպաստառուներին անվճար տրամադրվում են նաև պետության կողմից երաշխավորված արտահիվանդանոցային ստոմատոլոգիական ծառայություններ և դժվարամատչելի ախտորոշիչ հետազոտություններ:
Անվճար հիվանդանոցային բուժօգնությունը և սպասարկումն ընդգրկում են բուժման համար անհրաժեշտ միջոցների ամբողջ ծավալը, մասնավորապես՝
1) Հիվանդին հիվանդասենյակով ապահովելը
2) Մասնագիտացված խորհրդատվությունները
3) Լաբորատոր-գործիքային ախտորոշիչ հետազոտությունները
4) Վիրահատությունները, վիրահատական և ֆիքսող միջոցները
5) Բուժական միջամտությունները
6) Դեղերով ապահովումը, թթվածնի և բժշկության մեջ կիրառվող այլ գազերի օգտագործումը
7) Ֆիզիոթերապևտիկ բուժումը
8) Հիվանդի խնամքի ապահովումը՝ միջին և կրտսեր բուժական անձնակազմի կողմից
9) Այլ անհրաժեշտ բժշկական, հարբժշկական ծառայություններ.
10) Հակատուբերկուլոզային, հոգեկան, թմրաբանական և վերականգնողական (առողջարանային) բաժանմունքներում հիվանդանոցային հատուկ խնամք պահանջող դեպքերում՝ նաև հիվանդների՝ սննդով պարտադիր ապահովման ծախսերը:
Ինչպե՞ս է կատարվում հիվանդի ուղեգրումը բուժհաստատություն
Բուժգնության և սպասարկման համար սոցիալապես անապահով անձը պետք է ունենանա համապատասխան բժշկական ցուցում, որի առկայության դեպքում տվյալ բնակչին սպասարկող տեղամասային թերապևտի (մանկաբույժի) և/ կամ ընտանեկան բժշկի կոմից տրվում է ուղեգիր դեպի բժշկական հաստատություն:
Անվճար և արտոնյալ պայմաններով բժշկական օգնություն ու սպասարկում ստանալու համար անհրաժեշտ է ուղեգրի հետ միասին ներկայացնել հետևյալ փաստաթղթերը`
1) Ընտանեկան նպաստի համակարգում ընգրկված 30.00 և ավելի բարձր անապահովության միավոր ունեցող նպաստառուների տեղեկանք՝ տրված սոցիալական ծառայություններ տրամադրող տարածքային մարմնի կողմից:
2) Անձնագիր կամ նույնականացման քարտ
Դրանց բացակայության դեպքում՝ անձը հաստատող այլ փաստաթուղթ, իսկ մինչև 16 տարեկան երեխաների համար անհրաժեշտ է ներակացնել անձնագիրը, ծննդյան վկայականը:
ՈՒՇԱԴՐՈՒԹՅՈՒՆ. Եթե բժշկական հաստատություն եք տեղափոխվել շտապօգնության մեքենայով, ապա հիվանդանոցային բուժօգնությունն ու սպասարկումը իրականացվում է շտապօգնության ծառայության ուղեգրով կամ հիվանդանոցի ընդունարանի հերթապահ բժշկի եզրակացությամբ:
Ո՞ր հիվանդությունների դեպքում չեք կարող օգտվել անվճար բուժօգնությունից
Անվճար բուժօգնության ր բուժսպասարկման արտոնությունից օգտվելու իրավունք ունեն սոցիալապես անապահով բոլոր քաղաքացիները՝ բուժսպասարկման ցանկացած ծառայությունից՝ բացառությամբ՝ նորագույն և թանկարժեք տեխնոլոգիաների կիրառմամբ մատուցվող բժշկական ծառայությունների:
Սրանց թվում ՝ անվճար բուժօգնություն չի տրամադրվում հետևյալ դեպքերում՝ գլուղեղի անոթային հիվանդությունների էնդովասկուլյար վիրահատական ծառայությունները, սիներակի ֆիլտրի տեղադրումը, սկլեռոպլաստիկան և կեռատոպլաստիկան, մետաղական կոնտրուկցիաների տեղադրումը վնասվածքաբանական վիրահատությունների ժամանակ, լիթոտրիպսիան (հեռահար, պերկուտան, ուրեթերոռենոսկոպիկ) սրտի վիրահական և ներանոթային միջամտություններ:
ՈւՇԱԴՐՈՒԹՅՈՒՆ. անապահովության գնահատման համակարգում հաշվառված 36.00 և ավելի բարձր անապահովության միավորներ ունեցող ընտանիքի անդամները, սոցիալապես անապահով խմբերում ընդգրկված 7-18 տարեկան երեխաների համար սրտի վիրահատական ծառայություններն անվճար են:
*Արտոնյալ պայմաններով բուժօգնությունը քաղաքացիներին տրամադրված բժշկական ծառայությունների, դեղերի և (կամ) բժշկական պարագաների արժեքի` ՀՀ պետական բյուջեի միջոցների հաշվին իրականացվող մասնակի (50 %) փոխհատուցումն է:
հոդվածի հեղինակին +374 55 228 107
Պատրաստեց՝ Զառա Մանուչարյանը
www.dialogue.am
