Դժվարաշնչությունը հղիության ժամանակ
Հղիության ընթացքում հաճախ է դիտվում քթային դժվարաշնչություն։
Առաջացման պատճառներից են՝
Հղիի օրգանիզմի հորմոնալ փոփոխություններ ՝ պրոգեստերոնի և էստրոգենի գերարտադրություն
Օրգանիզմում շրջանառվող արյան ծավալի մեծացում, որը դիտվում է քթի խոռոչի լորձաթաղանթի և ստորին խեցիների շրջանում
Արգանդի ծավալի մեծացմանը զուգընթաց գաստրոէզոֆագիալ ռեֆլյուքս՝ ստամոքսի թթվային պարունակության հետհոսք դեպի կերակրափող և ըմպան/քթըմպան, որի հետևանքով դիտվում է այտուց
Էմոցիոնալ սթրեսս ( հղիությունն ինքնին սթրես է կնոջ համար):
Ախտանշանները մեղմելու համար խորհուրդ է տրվում ՝
Խմել շատ հեղուկ
Ապահովել սենյակի օդի խոնավությունը
Քնել գլխատակը բարձր դիրքում
Քթի խոռոչը լվանալ աղաջրային լուծույթներով
Խուսափել ծխախոտի ծխից
և աղտոտված օդի միջավայրում գտնվելուց:
Հղիության ընթացքում առաջացած դժվարաշնչության հաճախականությունը շատ բարձր է, յուրաքանչյուր հինգերորդ հղի կին բախվում է այս խնդրի հետ, որը կարող է զարգանալ հղիության ցանկացած ժամանակահատվածում, բայց առավել հաճախ 12-ից մինչև 38 շաբաթականում ։
Դժվարաշնչությունը (եթե մինչ հղիությունը խնդիր չի եղել) սովորաբար ծննդալուծումից 3-4 շաբաթ անց կարգավորվում է:
Գանգատների դեպքում դիմեք ԼՕՌ բժշկի ։Առողջություն
Նյութը ` Dr.Astine Sargsyan