Հոդերի հիվանդություններ. ռևմատոիդ արթրիտ
Ռևմատոիդ արթրիտը շարակցական հյուսվածքի բորբոքային հիվանդություն է: Այն դրսևորվում է հոդերի պրոգրեսիվող քրոնիկական ախտահարումով: Աստիճանաբար քայքայվում են հոդի բոլոր տարրերը, և զարգանում են կոնտրակտուրաներ:
Դասակարգումը
Պայմանավորված գործընթացում ընդգրկված հոդերի քանակով՝ տարբերվում են մոնոարթրիտներ, օլիգոարթրիտներ և պոլիարթրիտներ: Ռևմատոիդ արթրիտները կարող են լինել դանդաղ պրոգրեսիվող և արագ պրոգրեսվող: Ըստ հիվանդության ակտիվության՝ տարբերում են չորս աստիճաններ՝ զրոյական, առաջին/ նվազագույն/, երկրորդ/միջին/, երրորդ /բարձր/:
Ախտորոշումը
Հիվանդները սովորաբար գանգատներ չունեն, հոդերը հանգիստ են, առանց բորբոքային երևույթների և հեղուկի առկայության: Արյան ցուցանիշներն առանց շեղումների են:
Առաջին աստիճանի ակտիվության դեպքում հոդերում առկա է թույլ արտահայտված ցավոտություն և կաշկանդվածություն, հատկապես առավոտյան ժամերին: Հոդի շրջանում շոշափումը ցավոտ է:
Գործընթացի ակտիվության երկրորդ աստիճանի դեպքում նույնիսկ հանգիստ վիճակում առկա են ցավեր, որոնք ուժեղանում են հոդերի շարժումների դեպքում կամ շոշափելիս:
Ակտիվության երրորդ աստիճանի դեպքում հոդերի ցավերը խիստ արտահայտված են, շարժումները՝ կականդված և ցավոտ:
Ռևմատոիդ արթրիտի զրոյական աստիճանի դեպքում ռենտգենաբանական նշանները բացակայում են:
Առաջին աստիճանի դեպքում նկատվում են նվազագույն ռենտգենաբանական նշաններ: Կարող են դիտվել ոսկրերի հոդածայրերի օստեոպենիա, հոդում՝ էքսուդատի առկայության անուղղակի նշաններ:
Հիվանդության երկրորդ աստիճանի դեպքում, բացի օստեոպենիայից կարող են հայտնաբերվել հոդաճեղքի նեղացում և այլն:
Երրորդ աստիճանի դեպքում ռենտգենագրամներում հոդի խիստ արտահայտված դեֆորմացիայի դեպքում կարող են զարգանալ անկիլոզ /ֆիբրոզ կամ ոսկրային/:
Անհրաժեշտ է հիշել, որ ռևմատոիդ արթրիտի դեպքում բացի հոդերից ախտահարվում են նաև սիրտը, թոքերը, անոթները երիկամները և այլ օրգաններ:
Բուժումը
Կոնսերվատիվ բուժման ժամանակ կիրառվում են հակաբորբոքիչ միջոցներ, հորմոններ և այլն: Կիրառվում են նաև ֆիզիոթերապևտիկ բուժման եղանակներ: Վիրահատական բուժման նպատակը սունտոտալ կամ տոտալ սինովէկտոկիան է: Ոտնաթաթերի մատների հոդերի ռևմատոիդ ախտահարման դեպքում սինովէկտոմիա սովորաբար չի կատարվում:
Կոնքազդրային , ծնկան, արմնկային հոդերի և ուսահոդերի ֆունկցիայի խանգարումների դեպքում արդյունավետ վիրահատություն է էնդոպրոթեզավորումը:
Նյութի աղբյուրը՝ izmirlianmedicalcenter.com