Prada-ն թողարկել է վերամշակված ոսկյա զարդերի առաջին շարքը
Իտալական Prada նորաձեւության տունը ներկայացրել է 100%-ով հավաստագրված վերամշակված ոսկյա զարդեր, հայտնում է WWD-ն։
Հավաքածուն, որը կոչվում է Eternal Gold, բաղկացած է 48 զարդից՝ հետագայում համալրվելու նպատակով։ Ոսկերչական իրերի գները տատանվելու են մի քանի հազարից մինչեւ 60 հազար դոլարի սահմանում։
Հավաքածուն հիմնված է Prada ստորագրությամբ եռանկյունու պատկերակի վրա:
Մեկնարկը նշելու համար ընկերությունը նկարահանել է գովազդային արշավ, որին մասնակցել են բանաստեղծուհի եւ ակտիվիստ Ամանդա Գորմանը, ամերիկացի դերասանուհի Մայա Հոքը եւ երգիչ Ջոն Սոմին:
