Ապրիլի 15-ը Լաբորատոր ախտորոշման մասնագետի միջազգային օրն է
Այսօր՝ ապրիլի 15-ին, իրենց մասնագիտական տոնն են նշում լաբորատոր ախտորոշման ոլորտի աշխատակիցները։
Այս մասնագետների աշխատանքը տեսանելի չէ, սակայն յուրաքանչյուր բժշկական հաստատության լաբորատոր աշխատակիցները բժշկական ծառայության կարևոր մասն են։ Այն, ինչը հնարավոր չէ որոշել աչքով, ինչը չի կարող ենթարկվել մարդու օրգանիզմում հետազոտության գործիքային մեթոդներին, կարող են հայտնաբերել լաբորատոր մասնագետները:
Համալսարանական հիվանդանոցների լաբորատոր ախտորոշման ոլորտի սիրելի աշխատակիցներ, շնորհավորում ենք մասնագիտական օրվա առթիվ՝ մաղթելով արդյունավետ աշխատանք և նորանոր հաջողություններ։
