Ի՞նչ է միգրենը
Միգրենը կոմպլեքս նյարդաբանական հիվանդություն է, որին բնորոշ է կրկնվող, հաճախակի միակողմանի գլխացավի էպիզոդներ, որոշ դեպքերում նախորդող կամ ուղեկցող տեսողական կամ զգացողական ախտանիշներով, ինչը կոչվում է աուրա։
Միգրենն ավելի հաճախ հանդիպում է կանանց մոտ, 15-55 տարեկանում և ունի գենետիկ նախատրամադրվածություն։
Սուր չափավոր կամ ուժեղ պուլսացող գլխացավ, որը կարող է սաստկանալ ֆիզիկական ակտիվությունից կամ շարժումից
Գլխացավը միակողմանի է, տեղակայված ճակատաքունքային և ակնակապիճի շրջանում, երբեմն էլ` գլխի ու պարանոցի այլ հատվածներում
Ցավը զարգանում է 1-2 ժամում
Տևում է 4-72 ժամ
Ուղեկցվում է սրտխառնոցով (80%) և փսխմամբ (50%), գերզգայունությամբ լույսի և ձայների նկատմամբ։
Որո՞նք են միգրենի խթանիչները՝
Սթրես
Ծխել
Անքնություն
Սնունդ՝ անոթի վիճակ, ալկոհոլ, կոֆեին, շոկոլադ, սննդային հավելումներ, ինչպիսիք են նիտրատները, ֆերմենտացված կամ թթու մթերքները
Հորմոնալ փոփոխություններ կանանց մոտ․ դաշտանային շրջան, հակաբեղմնավորիչ հաբերի և հորմոնալ փոխարինող թերապիայի կիրառում
Թարթող լույսերը, լյումինեսցենտային լույսերը, հեռուստացույցի կամ համակարգչի լույսը և արևի լույսը:
