Ի՞նչ կլինի մարմնի հետ, եթե օրական 30 անգամ կքանստեք
Վարժության ընթաքում մկանների միաժամանակ մի քանի խումբ է աշխատում, դա հարմար է սկսնակ մարզիկների համար։ Կքանստման շնորհիվ կարող եք մարզել մարմնի ներքևի հատվածը՝ ազդրերն ու ոտքերը, պահել դրանք անհրաժեշտ մարզավիճակում, անհրաժեշտության դեպքում՝ նաև մկանային զանգված հավաքել։
Քանի՞ կքանիստ է պետք մկանուտ ազդրեր ունենալու և քանիսը՝ մկանները տոնուսի մեջ պահելու համար՝ ՌԻԱ Նովոստիին պատմել է տրիատլոնի մարզիչ Ալեքսանդ Խալամանովը։
«Կքանիստը վարժություն է, որը հարմար է կատարել` անգամ եթե մարզադահլիճ հաճախելու հնարավորություն չկա․ տանը, գրասենյակում, փողոցում։ Այն թույլ կտա ձիգ պահել ոտքերի մկանները՝ ազդրի դիմացի և հետևի մակերևույթները, ազդրի երկգլուխ մկանը, հետույքն ու փորի մկանները։ Ցանկալի է կքանիստը կատարել դանդաղ, խորը ամպլիտուդով։ Երբ մարզեք մկանները, ավելի բարձր կլինի տեստոստերոնի արտադրությունը, այսինքն՝ հորմոնալ արձագանքը»,-ասում է Ալեքսանդր Խալամանովը։
Եթե մարմնին տոնուս է հարկավոր, օրական 30 կքանիստը բավարար է։ Բայց եթե ուզում եք մարզել, օրինակ, հետույքի մկանները, պետք կլինի ավելացնել ծանրաբեռնվածությունը։
«Պետք է աստիճանաբար հասնել օրական 100 կքանիստի կամ ավելացնել դիմադրությունը․ վերցնել 5 կգ քաշով մարզագունդ կամ ջրով լցված 5 լիտրանոց շիշ։ Լավ միտք է վարժությունների ինտենսիվությունը փոխելը, որպեսզի օրագնիզմը չսովորի միանման ծանրաբեռնվածությանը»,-խորհուրդ է տալիս մարզիչը։
Ընդ որում, կքանիստը ճիշտ կատարելը շատ կարևոր է․ «Ոտնաթաթը պետք է ամբողջությամբ կպած լինի գետնին․ կրունկները գետնից մի կտրեք։ Հետևեք, որպեսզի սրունքները գետնին ուղղահայաց լինեն և ներս չընկնեն։ Մեջքն ուղիղ պահեք, հակառակ դեպքում չեք կարողանա ինչպես հարկն է աշխատել մկանների վրա»,-խորհուրդ է տալիս Ալեքսանդր Խալամանովը։
Read more: https://armeniasputnik.am/
